Mońǵolııa men Reseı qorǵanys mınıstrlikteri áskerı seriktestik baǵdarlamasyn bekitti, dep habarlaıdy Euronews.
Ulanbatyrdaǵy jıynǵa qorǵanys vedomstvolarynyń basshylary Sergeı Shoıgý men Nıamaagıın Enhbold qatysty.
Buǵan deıin Shoıgý Reseıdiń Mońǵolııamen áskerı seriktestigin órkendetpek josparymen bólisken bolatyn. Seriktestik oqý-jattyǵý tájirıbeleri men áskerı bilim berý sharalarynyń aıasyn keńeıtýge negizdelgen. «Mońǵolııanyń Reseı Federasııasymen áskerı qarym-qatynasyn syrtqy saıasattaǵy mańyzdy sharalardyń biri dep qarastyrýy biz úshin mańyzdy. Áskerı tehnıkalyq, áskerı qarym-qatynastaǵy tájirıbemizben bólisýge tyrysamyz», dedi Sergeı Shoıgý. Reseı qorǵanys mınıstri Mońǵolııaǵa memleketter arasyndaǵy áskerı qarym-qatynas máselelerin talqylaýǵa kelgen bolatyn. Kezdesý barysynda Reseı qorǵanys mınıstrliginiń atynan Mońǵolııaǵa ásker jaraqtaryn tabystaý josparlanǵan.