Qyzylorda qalasynda 2013 jyly 671 otbasynyń úıi apatty jaǵdaıda ekendigi anyqtalǵan edi.
Osy jaǵdaıdy sheshý úshin 2013 jyly 24 páterli 1 úı, 2015 - 2016 jyldar aralyǵynda 60 páterli 3 turǵyn úı berildi. 2017 jyly 50 páterli 7 kópqabatty turǵyn úıler paıdalanýǵa berilgen.
Bıyl 40 páterli 2 turǵyn úı, 50 páterli 2 kópqabatty turǵyn úıdi berý arqyly 157 otbasy baspanaly boldy. 2013-2018 jyldary aralyǵynda qaladaǵy apatty jaǵdaıdaǵy baspana turǵyndary retinde kezekte turǵan 671 otbasyna jańa páterlerdiń kilti tabystaldy.Osylaısha, óz úıiniń apaty jaǵdaıda ekendigin tehnıkalyq turǵydan rastaıtyn qujattary bar, páterge shyn muqtaj turǵyndardyń ótinishteri tolyq qanaǵattandyrylǵan.
Búginde qalada turǵyn úı qurylysy qarqyndy júrip jatyr. Memlekettik baǵdarlamalar halyq ıgiligine jumys jasaýda.
Baqtııar TAIJAN,
«Egemen Qazaqstan»