Qytaıda jekpe-jektiń K-1 nusqasy boıynsha «Kunlun Fight» dep atalatyn iri halyqaralyq týrnır aıaqtaldy. Bul jarysta 8 memleketten kelgen sportshylar baq synady.
Qazaqstannyń namysyn qorǵaǵan Aqmola oblysynyń týmasy Mergen Bilálov osy jarysta keremet óner kórsetip, san mıllıon jankúıerdiń ystyq yqylasyna bólendi. Alǵashqy kezdesýinde qytaılyq Chjao Sýndy birinshi raýndtyń aıaǵynda uryp shyqqan ol jartylaı fınalda osy nusqa boıynsha altyn belbeý ıegeri belarýssııalyq Vıtalıı Gýrkovpen kúsh synasty. Osydan eki jyl buryn Bilálov dál osy ataqty sportshydan jeńilgen bolatyn. Odan bólek, Gýrkov bizdiń eldiń basqa da órenderin birneshe márte utqan. Al bul joly qandasymyz ketken eseni qaıtaryp, aıqyn jeńiske qol jetkizdi. Aqtyq aıqasta Mergen Aspanasty eliniń taǵy bir ókili Chjan Iаnnan basym túsip, 75 kılo salmaq dárejesi boıynsha chempıondyq ataqqa qol jetkizdi.
Ǵalym SÚLEIMEN,
«Egemen Qazaqstan»