Almaty oblysynyń ákimi Marat Sultanǵazıev óńirde shomylý maýsymyna daıyndyq jumystaryn kúsheıtýdi tapsyrdy, dep jazady Egemen.kz.
Marat Sultanǵazıev jaǵajaıdaǵy qaýipsizdik pen tártip, demalys oryndarynyń talaptarǵa saı bolýy basty nazarda bolýy tıis ekenin aıtty.
«Adam shyǵynynyń bolmaýyn qatań baqylaýda ustaý kerek. Kóbine adam ólimi ruqsat etilmegen aımaqtarda bolady. Sondyqtan mundaı oryndardy qadaǵalap, jer ıelerimen de júıeli jumys júrgizý qajet. Shomylýǵa ruqsat etilgen aımaqtar tekserilip, qaýipsizdik belgileri men eskertý taqtaıshalary ornatylýy tıis», dedi Marat Sultanǵazıev.
Qazaqstan TJM shomylý maýsymynda sýdaǵy qaýipsizdikti kúsheıtýde
Almaty oblystyq Tótenshe jaǵdaılar departamentiniń málimdeýinshe, shomylý maýsymyna oraı sý túbin tazalaý, sanıtarlyq jaǵdaıdy baqylaý jáne ınfraqurylymdy retke keltirý jumystary kezeń-kezeńimen júrgizilip jatyr. Turǵyndardyń qaýipsizdigin qamtamasyz etý maqsatynda baqylaý kameralary jumys isteıdi. Qazirgi tańda demalys oryndarynyń 80 paıyzy shomylý maýsymyna daıyn. Jergilikti atqarýshy organ, oblystyq prokýratýra, Polısııa departamentimen birigip keshendi tekserý jumystaryn jalǵastyrady.