Jańaqorǵan aýdanynda «Shalqııa Sınk» AQ men «Stroıservıs SK» JShS qyzmetkerlerine arnalǵan 63 páterlik 2 kópqabatty qyzmettik turǵyn úı paıdalanýǵa berildi.
- Búgingi kúni baspana eldegi eń ózekti máselelerdiń biri ekeni daýsyz. Degenmen, óńirde baspana máselesin sheshýdiń ońtaıly joldary qarastyrylyp, túrli baıypty baǵdarlamalar qolǵa alynyp, júzege asýda. Máselen, halyqtyń áleýmettik jaǵynan osal toptaryn qoljetimdi baspanamen qamtamasyz etý maqsatynda oblysta arnaıy «Orda» turǵynúı qurylysynyń «Jol kartasy» ázirlenip, oblystyq bıýdjetten jyl saıyn qajetti qarjy bólý týraly sheshim qabyldandy. Ony iske asyrýǵa 3,5 mlrd. teńge qarastyryldy. Bul baǵdarlamanyń múmkindikterin apatty úıler men jataqhanalarda turǵan turǵyndar paıdalanyp úlgerdi Osylaısha, «Orda» baǵdarlamasy Elbasy bastamasynyń júzege asýynyń naqty kórinisi, - dedi oblys ákimi Q.Kósherbaev.
Páterge qoly jetken Jańaqorǵan aýdanynyń turǵyndary oblys ákimdigine alǵystaryn bildirdi.
- Eń aldymen Memleket basshysy men oblys ákimdigine úlken alǵysymdy bildiremin. Jeke turǵyn úı alý kez kelgen adam úshin úlken qýanysh dep oılaımyn. Buǵan deıin biz ata-anamyzben birge turdyq, búgin jańa eki bólmeli barlyq jaǵdaıy jasalǵan jaıly páterge ıe bolyp otyrmyz, - dedi «Shalqııa Sınk» AQ qyzmetkeri Rýslan Eńsegenov.
Baqtııar TAIJAN,
«Egemen Qazaqstan»
Qyzylorda oblysy