Qaraǵandynyń «Volshebnaıa strana» balalar horeografııalyq ansambli Túrkııada ótken «International Citrus Festival Mersin» halyqaralyq festıvaline qatysty. Mersın qalasynda tý tikken bul óner merekesinde álemniń 28 elinen kelgen órender bas qosqan bolatyn.
Quramy 26 ónerpazdan turatyn «Volshebnaıa strana» ujymy bul saparǵa barý múmkindigine Qaraǵandy qalalyq ákimdiginiń qoldaýy arqasynda ıe boldy.
Festıval barysynda ónerli jastarymyz Mersın qalasynyń basty kóshelerinde ótken sherýde Qazaqstannyń kók baıraǵyn alyp júrdi. Jalpy «Volshebnaıa strana» ansambli óner merekesi aıasynda qaladaǵy basty úsh alańda ótken konsertterge qatysty. Olar sahna tórinde qazaqtyń tórt bıin sheberlikpen oryndady.
Ujym músheleriniń óneri kórermen men sheteldik mamandardyń kóńilinen shyǵyp, olar kelesi jyly Meksıka, Bolgarııa, Rýmynııa jáne Túrkııada ótetin halyqaralyq festıvalderge shaqyrtýlar aldy.
Qaırat Ábilda,
«Egemen Qazaqstan»
Qaraǵandy