Qostanaı oblysyndaǵy eń shalǵaı aýdannyń biri Qamystyda «Rýhanı jańǵyrý» baǵdarlamasy aıasynda «Qazaqstannyń 100 jańa esimi» jobasynyń laýreaty, Qazaqstannyń Eńbek Eri Almat Tursynovtyń jastarmen kezdesýi ótti. Almat Janábiluly tek Qostanaıǵa ǵana emes, elimizge belgili iri kásipkerdiń biri, óziniń jańalyqtarymen, úzdik tehnologııalardy engizýdegi uıymdastyrýshylyǵymen aýyl sharýashylyǵyn damytty. Aýyl sharýashylyǵy ónimin óńdeý ónerkásibiniń keńeıýine de úles qosyp keledi. Ol oblysta et klasterin qurǵan, «Qarasý-ET» kompanııasyn basqarady.
Kezdesýde jastar Almat Tursynovqa kóptegen suraqtar qoıdy. «Eńbek Eri bolý qıyn ba?», «Táýelsizdik Sizge ne berdi?», «Sport Sizdi qalaı damytty?» degen sııaqty jastardyń kóptegen suraqtaryna kezdesý keıipkeri jan-jaqty, qyzyqty aqparattarmen jaýap berdi. Almat Janábiluly jastarmen áńgimesin «árkim salamatty ári belsendi ómir súrgende, bala kezden sabaqqa tııanaqty bolyp, jaqsy bilim alǵanda, jaqsy isterge, bastamalarǵa jigerlilikpen kiriskende jastar barlyq bıikterdi alýyna kedergi joq» degen oılarmen tujyrymdap otyrdy.
Oblys ekonomıkasy men áleýmettik salasynyń damýyna úlken úles qosyp júrgen Almat Tursynovtyń jastarmen kezdesýi óte mazmundy ótti.
Názıra Járimbet,
«Egemen Qazaqstan»
Qostanaı