Qazaqstanda janar-jaǵarmaıdyń qajetti qorlary tolyq kólemde qalyptasyp otyr. 2026 jyldyń birinshi toqsanynyń qorytyndysy boıynsha respýblıkada munaı ónimderin óndirý kólemi 3,7 mıllıon tonnaǵa jetken, dep habarlaıdy Egemen.kz.
Energetıka mınıstrliginiń málimetinshe, jyl sońyna deıin boljamdy kórsetkish 15,4 mıllıon tonna deńgeıinde belgilengen. Atalǵan óndiris qurylymynda áleýmettik mańyzy bar otyn túrleri negizgi oryn alyp, benzın 1,6 mıllıon tonnany, al dızel otyny shamamen 1,5 mıllıon tonnany quraǵan.
Tramptyń málimdemesinen keıin munaı baǵasy kúrt qymbattady
Naryqtyń aǵymdaǵy qajettilikterin qamtamasyz etýmen qatar, salaǵa jaýapty mınıstrlik eldiń munaı óńdeý áleýetin túbegeıli arttyrý boıynsha aýqymdy baǵdarlamany iske asyrýǵa kirisken. Osy baǵytta jumys istep turǵan kásiporyndardyń qýatyn keńeıtý boıynsha belsendi jumystar júrgizilip jatyr. Atap aıtqanda, Pavlodar munaı-hımııa zaýytynyń qýattylyǵyn 5,5-ten 9 mıllıon tonnaǵa deıin, Shymkent zaýytynyń qýatyn 6-dan 12 mıllıon tonnaǵa deıin, al Atyraý munaı óńdeý zaýytynyń qýatyn 5,5-ten 6,7 mıllıon tonnaǵa deıin ulǵaıtý josparlanyp otyr.
Parsy shyǵanaǵyndaǵy soǵystan munaı eksporty 44 paıyzǵa quldyraǵan
Sondaı-aq búginde elimizde qýattylyǵy jylyna 10 mıllıon tonna bolatyn jańa munaı óńdeý zaýytyn salý jobasyn jedeldetip iske asyrý sharalary qabyldanyp jatyr.
Nurbolat AMANBEK