Aımaq basshysy Qumar Aqsaqalov aktıv jıynynda Taıynsha aýdanynyń jańa ákimin tanystyrdy.
Prezıdent Ákimshiliginiń jáne aýdandyq máslıhattyń kelisimi boıynsha oblys ákiminiń ókimimen Taıynsha aýdanynyń ákimi qyzmetine Týrkov Ivan Ivanovıch taǵaıyndaldy. Oǵan jalaqyny ósirý, mal sharýashylyǵyn damytý, áleýmettik máselelerdi jaqsartý sekildi birqatar mindetter júkteldi.
I. Týrkov 1976 jyly týǵan, Qaztutynýshyodaǵynyń Qaraǵandy ekonomıkalyq ýnıversıtetin, «Femıda» zań akademııasyn qarjy menedjeri, zańger mamandyqtary boıynsha bitirgen.
Eńbek jolyn 1993 jyly Krasnoarmeısk esep aıyrysý ortalyǵynyń operatory bolyp bastaǵan. 1996–1997 jyldary Krasnoarmeısk aýdany boıynsha salyq ınspeksııasynyń salyq ınspektory, 1997–2007 jyldar aralyǵynda Taıynsha qalasyndaǵy «Apako» ATAO ekonomıka, boljaý jáne qarjy qyzmetiniń mamany, salyq ınspektory, aǵa salyq ınspektory, salyq komıtetiniń bas mamany, Taıynsha aýdany boıynsha salyq komıtetiniń bólim bastyǵy bolyp qyzmet atqarǵan. 2007–2014 jyldary Taıynsha aýdany ákiminiń orynbasary, Taıynsha aýdanynyń ákimi, Taıynsha aýdany ákiminiń orynbasary qyzmetinde bolǵan.
2014 jyldan bastap osy kúnge deıin Jambyl aýdanynyń ákimi bolyp istegen.
О́mir ESQALI,
«Egemen Qazaqstan»
Soltústik Qazaqstan oblysy