«Adamdarǵa beriletin daryn sııaqty, batyldyq ta bizge ár túrli deńgeıde jáne ár túrli sátterde keledi» dep jazdy Time jýrnalynyń bas redaktory Edvard Felsental. «Osy jyly biz tórt jýrnalıst pen bir aqparattyq uıymdy «Jyl adamy» dep tanydyq: Olar Jamal Hashoggı, Marııa Ressa, qyzmetkerleri Va Lon men Kıa So jáne Capital Gazette.
Sondaı-aq Edvard Felsental olardy «saqshylar» dep atady. Jýrnal tarıhynda alǵash ret muqabasyna «Jyl adamy» retinde ómirden ótken jýrnalısti shyǵardy. Bul Saýd Arabııasynyń jýrnalısi, osy jyldyń qazan aıynda Saýd Arabııasynyń Stambýldaǵy elshiliginde aıaýsyz óltirilgen Jamal Hashogdjı.
Sondaı-aq, «Jyl adamy» ataǵyna Reuters agenttiginiń qyzmetkerleri Va Lon men Kıa So laıyq dep tanyldy. Olar Mıanmadaǵy rohındja halqynyń jaǵdaıyn jarııa etkeni úshin jáne memlekettik qupııa týraly zańdy buzdy dep jeti jylǵa sottaldy.
Fılıppın prezıdenti Rodrıgo Dýterteniń «esirtkimen soǵys» josparyn synǵa alǵan fılıppındik jýrnalıst Marııa Ressa de marapattalǵan jýrnalıster qatarynda. Qarasha aıynda oǵan salyqtan jaltarǵany úshin aıyp taǵylǵan, ol ózine taǵylǵan aıypty saıası astary bar dep oılaıdy.
Maýsym aıynda shabýyl jasalǵan amerıkandyq Capital Gazette basylymynyń redaksııasy da úzdikter tiziminde. Osy shabýyl kezindegi qaıǵyly jaıttan soń AQSh jýrnalıster ómirine qaýipti memleketterdiń ishinde tórtinshi ornyna jaıǵasty.
Daıyndaǵan Mádına JÁLELQYZY,
«Egemen Qazaqstan»