Kúrdeli otany qazaqstandyq jáne ızraıldik dárigerler birlesip jasady, dep habarlaıdy elorda ákimdiginiń resmı saıty.
Tanymal ızraıldik balalar neırohırýrgi Shlomı Konstantını men № 2 qalalyq balalar aýrýhanasynyń balalar neırohırýrgııa bóliminiń meńgerýshisi Azamat Jaıylǵanov emdeý mekemesiniń bazasynda gıdrosefalııaǵa shaldyqqan 11 jasar balaǵa ota jasady. Operasııa bir jarym saǵatqa sozyldy.
«Biz ota jasaǵan gıdrosefalııaǵa shaldyqqan balanyń bas mıyndaǵy asqazan júıesinde artyq suıyqtyq jınalǵan. Ony emdeýdiń birneshe tásili bar. Sonyń biri – ish qýysymen, ókpeqap, júrek jáne júrek aldy qýysymen bas mıynyń asqazandaryn biriktiretin tuıyqtaýysh júıeniń, bógde zattyń ımplantasııasy. Qansha degenmen, ol bógde zat. Bul – qabyldamaý, ınfeksııany juqtyrý qaýpi. Al atalǵan ota túriniń ereksheligi bas mıynda ishki asqazan júıesiniń anatomııalyq kanaly qurylady, bul óz kezeginde ishki qan qysymyn tómendetip, bas mıyna kompressııany azaıtady. Osylaısha balanyń damýyna áser túse bastaıdy da, áý bastaǵy fýnksııalary jumys isteı bastaıdy», - dedi Azamat Jaıylǵanov.
О́z kezeginde professor Shlomı Konstantını osyndaı ota jasaǵan aýrýhananyń áleýeti joǵary ekenin atap ótti.
«Bári de tehnologııaǵa baılanysty jáne bári oıdaǵydaı bolý kerek. Atalǵan aýrýhanada endoskopııanyń birneshe nusqasy bar, aýrýhananyń bolashaqta osyndaı tehnıkany qosymsha alýyna barlyq múmkindigi jetedi. Jaqyn arada bul aýrýhana osyǵan taǵy da kóńil bóle túsedi dep oılaımyn, al bul ármen qaraı balalardyń gıdrosefalııasyn emdeýge oń áserin tıgizbek», - dep túıindedi professor.
Operasııadan basqa, Sh. Konstantını stýdentterge, rezıdentterge jáne gıdrosefalııasy bar balalardy endoskopııalyq emdeý boıynsha Qazaqstannyń aımaqtardaǵy dárigerlerine arnap sheberlik sabaǵyn ótkizdi. Sheberlik sabaǵy Astana qoǵamdyq densaýlyq saqtaý basqarmasynyń qoldaýymen «DOM» QQ «Balalarǵa ómir syıla» qaıyrymdylyq aksııasy sheńberinde ótkizdi.