Rejısser Sergeı Dvorsovtyń kartınasy «Úzdik sheteldik fılm» nomınasııasy boıynsha «Oskar» júldesiniń toǵyz úmittiden turatyn short-paraqshasyna kirdi, dep habarlaıdy oscars.org.
91-shi «Oskar» júldesiniń «Úzdik sheteldik fılm» nomınasııasy boıynsha bastapqyda 87 fılm qatysty. AQSh kınoakademııasynyń sheshimimen 9 fılm atalǵan nomınasııa boıynsha kelesi kezeńge ótti. Bul tizimde Qazaqstan atynan qatysyp jatqan rejısser Sergeı Dvorsovtyń «Aıka» fılmi de bar.
«Qustar kóshi» (Birds of Passage, Kolýmbııa),
«Kináli» (The Guilty, Danııa),
«Eshqaıda qaraýǵa bolmaıdy» (Never Look Away, Germanııa),
«Shoplıfterler» (Shoplifters, Iаponııa),
«Kapernaým» (Capernaum, Lıvan),
«Roma» (Roma, Meksıka),
«Surqaı soǵys» (Cold War, Polsha),
«О́rtengen» (Burning, Iýjnaıa Koreıa).
Esterińizge sala keteıik, «Aıka» fılmi qyrǵyzstandyq qyzdyń ómirin sýretteıdi. Ol Máskeýde astyrtyn jumys istep, ómir súredi. Kútpegen jerden júkti bolyp qalyp, balasyn perzenthanada tastap ketedi. Ýaqyt óte kele onyń analyq sezimi oıanyp, tastap ketken ulyn izdeı bastaıdy. Dramadaǵy basty róldi qazaqstandyq aktrısa Samal Eslıamova oınaıdy. Ol bıyl 71-shi Kann kınofestıvalinde «Úzdik áıel róli» nomınasııasy boıynsha jeńimpaz atandy.