Sport jýrnalıstıkasynyń jaı-kúıi talqylandy

Elimizge belgili sport jýr­­­­nalısteri qatysqan al­qaly jıynda sport salasyn­da qalam terbep júrgen til­shilerdiń biliktiligi jáne ony jetildirýdiń tetikteri sóz boldy. Máselen, elimizge ta­nymal sport jýrnalısi Qydyrbek Rysbek qazirgi jýr­nalısterdiń jáne sport kommentatorlarynyń til ta­zalyǵyn saqtamaıtynyn, sport termınderin durys qol­da­nylmaı júrgenin tilge tıek etti. Al «Egemen Qazaqstan» ga­ze­tiniń sholýshysy Beken Qaı­­ratuly ulttyq sport túr­lerin jaı sport retinde emes, jaýyngerlik óner retinde qa­rastyrý kerek ekenin aıtty. «Qazaqstan barysy» qazaq kúresin damytý qorynyń bas­pasóz hatshysy Nazerke Sultanbek PR, ıaǵnı sporttyq jarystardy qalaı nasıhattaý kerektigin, elimizdegi iri-iri sporttyq jarystardy jarnamalaý barysyna keńinen toqtalyp, óz oıyn ortaǵa saldy. 

Osy rette «Qazaq sporty»­ gazetiniń bas redaktory, EUÝ jýrnalıstıka jáne saıasattaný fakýltetiniń oqytýshysy Dú­ráli Dúısebaı bolashaq sport jýrnalısterin daıarlaý­ barysy jóninde áńgime qoz­ǵady. «Jalpy, EUÝ sport jýrnalısterin sapaly da­ıar­­­laýǵa umtylyp jatyr. «Kom­mentator sheberligi», «Sport sholýshysy», «Sport jýrnalıstıkasyna kirispe» degen pánderdi oqydyq. Qazir sodan tálim alǵandar osy salany jazyp júr. Jeke salalyq jýrnalıstıka retinde mamandar daıarlaý – aldaǵy kúnniń enshisinde».

Sonymen qatar ǵylymı-tájirıbelik konferensııaǵa Ulttyq Olımpıada komıteti Sport dıreksııasynyń dırektory Elsııar Qanaǵatov, Sport jáne dene shynyqtyrý isteri komıtetiniń baspasóz hatshysy Raýhan Toǵymbaeva, «Qazsport» telearnasynyń dırektory Pavel Sybýlın, sport jýrnalısteri Nurǵazy Sasaev, Dına Turarqyzy, «Qazsport» telearnasynyń prodıýsseri Ashat Saǵynaev, «Qazsport» telearnasynyń tilshisi Ermek Tórenııaz jáne elimizdiń ózge de óńirinen kelgen jýrnalıster qatysyp, ózderiniń pikirlerin, usynys-tilekterin bildirdi.

Madııar QUDIIаRULY