Basym baǵyttar partııa baqylaýynda

Jıynǵa partııa Tóraǵasynyń birin­shi orynbasary Máýlen Áshimbaev, Ult­­tyq ekonomıka mınıstri Tımýr Súleı­menov, Prezıdenttiń bes áleý­met­tik basta­ma­synyń júze­ge asyrylý bary­syn baqylaý jónindegi qoǵam­dyq keńes­tiń tóraǵasy, Senat depý­taty Baqytjan Jumaǵulov, partııa­nyń Parlament Májilisindegi frak­sııa­sy­nyń basshy­lyǵy, partııalyq kýrator­lar jáne Májilistegi partııa fraksııa­sy janyn­daǵy konsýltatıvti-keńes­tik organ­dardyń basshylary qatysty. Odan bólek, bul basqosýǵa beınekon­fe­­rens baılanysy arqyly barlyq óńir­diń ókilderi de qosyldy.

Otyrysty ashqan M.Áshimbaev Memleket basshysynyń 5 qazandaǵy Jol­daýy elimizdiń áleýmettik jań­ǵyr­ýy­nyń negizin qalap, aldaǵy basym baǵyttardy aıqyndap bergenin aıtty. Sondaı-aq ol Elbasynyń ja­la­­qyny kóterip, shaǵyn jáne orta bız­nesti damytý arqyly halyqtyń ál-aýqatyn arttyratyn keshendi shara­lar­dy anyqtap bergenine jáne basqa da ózekti máselelerge nazar aýdardy.

Partııa Tóraǵasynyń birinshi orynbasary aldaǵy ýaqytta basym baǵyttar boıynsha jumystyń kúsheıetinin aıtty.

– Partııa Elbasy bastamalarynyń sapaly ári ýaqtyly júzege asyrylýy úshin baqylaý jumystaryn úsh deń­geı boıynsha júrgizedi. Birinshi – res­pýb­lıkalyq deńgeıdegi baqylaý ju­mys­­taryna Májilistegi partııa de­­pýtattary jaýapty. Sondaı-aq Jol­daý­­dy júzege asyrýdyń jalpy­ult­­tyq josparyna sáıkes partııa­lyq kýra­tor­lardyń jáne partııa men fraksııa ja­nyndaǵy keńes basshy­larynyń da mindetteri anyq­tal­dy. Ekinshi – aımaq­tyq deńgeı boıynsha partııanyń máslıhattaǵy depýt­at­tary, jergilikti jerlerdegi partııa­lyq kýratorlar jáne «Nurly jol», «Nurly jer» baǵdarlamalaryn baqy­laý jónindegi komıssııalar bel­sen­­­di­lik tanytýy tıis. Al úshinshi – aýyl-aımaq deńgeıindegi baqylaý jumys­taryna bastaýysh partııa uıym­daryn jumyldyrýymyz kerek, – dedi M.Áshimbaev.

Sonymen qatar «Nur Otan» partııa­sy Tóraǵasynyń birinshi orynbasary Bes áleýmettik bastamanyń júzege asyr­ylý barysyndaǵy keıbir másele­ler­ge erekshe toqtalyp ótti. Aldymen ol osy bastamalar aıasynda shaǵyn nesıe berý isindegi olqylyqtarǵa nazar aýdardy. Onyń aıtýynsha, búginge deıin 13 myńnan astam azamat shaǵyn nesıe alyp, jospardyń 98 paıyzy oryn­dalǵan. Sonyń nátıjesinde 52 mlrd teńge ıgerilgen eken.

– Bul jaman kórsetkish emes. Degen­men nátıjelerdi saraptap qaraı­tyn bolsaq, kúrmeýi qıyn máse­lelerdiń de bar ekenin kóremiz. Mysaly, sha­ǵyn nesıe berý bastamasy aýyldyq jer­ler­de nátıjeli júzege asyrylyp jatyr. Al qala­lyq jerlerdegi kórset­kish kóńil kónshitpeıdi. Búginde qala­lyq jerler úshin josparlanǵan 3 myń adamnan tek 1 myń azamatqa ǵana sha­ǵyn nesıe berilgen, – dedi ol.

Tarqatyp aıtar bolsaq, atalǵan kór­setkish boıynsha kósh sońynda Aty­raý oblysy tur. Munaıly ólkede qala turǵyndarynyń ishinen bar bol­ǵany 13 azamatqa ǵana shaǵyn ne­sıe berilgen. Bul josparly meje­niń 23,65 paıyzyn quraıdy. Sol sııaqty Pav­lodar, Soltústik Qazaqstan, Qyzylorda oblystary men Astana qala­synda da jaǵdaı máz emes. Nátı­je­sinde elimiz boıynsha qalalyq jer­ler úshin shaǵyn nesıege bólingen 20,2 mlrd teńgeniń 62 paıyzy ǵana ıge­ril­ge­ni belgili bolyp otyr.

Jeltoqsan aıynyń basyndaǵy jaǵ­daı boıynsha ıgerilmegen qara­jat­tyń kólemi 7,7 mlrd teńgeni qu­rap otyr. Onyń 26 paıyzy «Damý» qo­ryna tıesili bolsa, qalǵan 74 paıyzy ekinshi deńgeıli bankterdiń esepsho­tyn­da jatyr. Osy rette ekinshi deń­geıli bankter atalǵan maqsatta óz­deri­ne bólingen qarajattyń 42 paıy­zyn ǵana ıgergenin atap ótken jón. Sondaı-aq Máýlen Áshimbaev «7-20-25» baǵdarlamasy boıynsha da at­qaryl­ǵan jumystarǵa nazar aýdardy. Onyń sózine qaraǵanda, 6 jeltoqsanǵa deıingi derek boıynsha baǵdarlamaǵa qatysý úshin 5 myńnan astam ótinim kelip túsken. Sonyń ishin­de jalpy somasy 40 mlrd teń­ge­ni quraıtyn 3,5 myńǵa jýyq ótinim maquldanǵan. Áıtse de keıbir aımaq­tar­da jergilikti atqarýshy organdar tarapynan arnaıy sanattaǵy azamattarǵa bas­tap­qy jarna úshin sýbsıdııa bólý jumystary oıdaǵydaı júrgizilmeýde. Budan basqa «7-20-25» baǵdarlamasy boıyn­sha jańadan salynǵan úılerdiń je­tis­peýi jáne keı aımaqtardaǵy aq­pa­rattyq-túsindirý jumystarynyń álsizdigi sııaqty máseleler de aıtyldy.

M.Áshimbaev osyndaı ózekti má­se­le­ler bola tura, partııa fılıaldary men partııalyq kýratorlardyń únsiz otyr­ǵanyn synǵa aldy.

О́z kezeginde Prezıdenttiń Bes áleý­­­­mettik bastamasynyń júzege asy­­rylý barysyn baqylaý jónindegi qoǵam­dyq keńestiń tóraǵasy, senator Baqyt Jumaǵulov atqarylǵan ju­mys­tar jóninde baıandap berdi. 

So­nymen birge Ulttyq ekonomıka mınıstri Tımýr Súleımenov pen Par­la­ment Májilisindegi partııa frak­sııa­sy basshysynyń orynbasary Asqar Bazar­baev sóz alyp, óz tarapynan istel­­gen jumystarǵa toqtalyp ótti.

Is-shara sońynda Elbasy tapsyrmalaryn oryn­daý úshin tııanaqty jumys istep, sapa­ly baqylaý júr­gi­zý­di qam­ta­ma­syz etetin birqatar mindetter naqtylandy.

Jaqsybaı SAMRAT,

«Egemen Qazaqstan»