Ońtústik jáne Soltústik Koreıa respýblıkasy 2020 jyly Tokıoda ótetin jazǵy Olımpııa oıyndarynda sporttyń úsh túri boıynsha bir tý astynda shyǵýǵa ýaǵdalasty.
Birikken Koreıa quramasy qyzdar basketboly, kanoeda eskek esý jáne akademııalyq eskek esý boıynsha qatysady, dep habarlady JoongAng Ilbo basylymy. Sonymen qatar eki memleket 2032 jylǵy Jazǵy Olımpııa jáne Paralımpııa oıyndaryn ótkizý úshin ótinish berýdi josparlap jatyr.
Bıyl Ońtústik Koreıanyń Phenchhan qalasynda ótken Qysqy Olımpııa oıyndaryna Birikken Koreıanyń hokkeı boıynsha qyzdar quramasy qatysqan bolatyn.
Álı BITО́RE,
«Egemen Qazaqstan»