31 jeltoqsan saǵ 23.00-de Astana qalasynyń 20-jyldyǵyna arnalǵan jańa-jyldyq marafon ótedi, dep habarlaıdy Mádenıet jáne sport mınıstrliginiń baspasóz qyzmeti.
Atalǵan bastamany uıymdastyrýǵa Qazaqstan Respýblıkasynyń Mádenıet jáne sport mınıstri Arystanbek Muhamedıuly uıytqy boldy. Júgirýdiń aldynda arnaıy flesh-mob uıymdastyrylady. Marafondy bastaýǵa sıgnaldy Aıaz-ata beredi. Start saǵ 23.30 «Báıterek» janynan bastalyp, «Sýly-Jasyldy gúlzar» arqyly «Han-Shatyr» SSO deıin jalǵasady(muz qalashyǵy). Jańa-jyldyq sharaǵa belgili sportshylar men elimizge tanymal mádenıet qaıratkerleri qatysady dep kútilýde. Marafon qatysýshylary men qala qonaqtary Elbasy N.Á.Nazarbaevtyń jańa-jyldyq quttyqtaýyn Muz qalashyǵy aýmaǵyna ornalastyrylǵan LED-ekran arqyly tamashalaı alady.