Halyqaralyq shahmat federasııasy prezıdenti keńesiniń sheshimi boıynsha alty qazaqstandyq FIDE-niń resmı komıssııa múshesi atandy. Komıssııa múshelerin FIDE ár tórt jyl saıyn bekitip, ár eldegi shahmattyń tanymaldyǵyna, damý qarqynyna qarap tańdaıdy.
Elimizdiń atynan Jandos Ábishev Halyqaralyq shahmat federasııasynyń is-sharalar boıynsha, Irına Grıshenko áleýmettik máseleler jóninde, Evgenıı Vladımırov bilim berý salasynyń komıssııasynyń múshesi atandy. Sondaı-aq Dármen Sádýaqasov jahandyq strategııalyq komıssııa músheligine, Dınara Sádýaqasova erejeler jáne Gúlmıra Dáýletova jerebe boıynsha komıssııanyń ókili bolyp saılandy.
Aldaǵy tórt jyldyqtyń komıssııa músheligine álemniń 130 elinen 224 ókil saılandy. Qazaqstan eń kóp ókil qosqan el retinde Reseı men AQSh-tan keıin úshinshi orynda tur. Buǵan deıin FIDE-ge birde-bir qazaqstandyq ókil saılanbaǵan bolatyn.
Daıyndaǵan Álı BITО́RE,
«Egemen Qazaqstan»