Oblystyq polısııa departamenti ótken jyldy qorytyndylap, eń úzdikterdi marapattady.
2018 jyly qylmystyq quqyq buzýshylyq kórsetkishteri 5,6 prosentke tómendegen. Onyń ishinde bótenniń múlkin urlaý faktileri 11 prosentke kemigen Jalpy qylmystardyń ashylýy 70,1 prosentti quraǵan. Matarıaldyq-tehnıkalyq bazany nyǵaıtýǵa oblystyq qazynadan 5 mıllıard teńge bólingen. Polısııa departamentiniń bastyǵy, general-maıor Berik Bilálov jergilikti jerdegi krımınogendik ahýalǵa jan-jaqty toqtalyp, jaǵdaıdyń turaqty ekenin atap ótti.
Vedomostvo basshysy, tutastaı alǵanda, byltyrǵy jyl tabysty qorytyndylanǵanyn aıta kelip, jedel-qyzmettik jumystyń qorytyndylaryn jarııalady. Ol boıynsha Jambyl, Ýálıhanov, Shal aqyn aýdandarynyń polısııa bólimderi jeńimpaz retinde tanylyp, árqaısysyna 1 mıllıon, 500 myń jáne 300 myń teńgeniń aqshalaı sertıfıkattary tabys etildi.
Byltyr jarııalanǵan «Polısııa departamentinde kadr rezervi jyly» baıqaýynyń jeńimpazy atanǵan Taıynsha aýdandyq bólimine qyzmettik sý jańa «Lada Vesta» kóliginiń kilti tartý etildi. Ekinshi, úshinshi oryndardy Esil, Mamlıýt aýdandarynyń polısııa bóimderi bólisti.
О́mir ESQALI,
«Egemen Qazaqstan»
Soltústik Qazaqstan oblysy