«Kári quda» Qaztalov óńirine myrzalyǵyn tanytyp-aq baǵýda. Eki kún ashyq bolsa, úshinshi kúni qary men boranyn ala keledi. Biraq mol qardan yǵyr bolyp jatqan halyq joq. Aýdanda joldardy tazalaý, eldi mekendermen baılanysty úzbeý bir sát te toqtap qalmaıdy. Buǵan aýdannyń sharýa adamdary da kómek qolyn sozyp keledi. Sonyń bir aıǵaǵy – «Qaınar» sharýa qojalyǵynyń jetekshisi, 70 jastaǵy Mahambet Bermaǵambetov aǵamyz jol talǵamaıtyn kóligi arqyly qys qaharyn jeńýge úles qosýda. Ol arnaıy shynjyr taban tehnıkasyn (tıagach) «ÝAZ» kóligine ornatty. Qandaı qalyń qar bolsa da bul tehnıka eshqandaı syr bermeıdi. Qazirgi kúnde Mahambet aǵamyz shalǵaıdaǵy mal qystaǵyna osy kólikpen qatynas jasasa, sonymen qatar Qaztalov aýyldyq okrýginiń basqa sharýa qojalyqtarynyń sharýalaryna da kómegin berýde. Sondaı-aq aýylda aǵamyzdyń bul tehnıkasyna suranys ta kóbeıip otyr.
Ásem BOLAT
Batys Qazaqstan oblysy, Qaztalov aýdany