Atyraý oblysynyń ákimi Qyzylqoǵa aýdanyna jumys sapary barysynda jastarmen kezdesti. Bul týraly Atyraý oblysynyń О́ńirlik kommýnıkasııalar qyzmeti habarlady.
Aldymen Atyraý oblysynyń ákimi Mııaly aýylyndaǵy «Jastar resýrstyq ortalyǵynyń» ǵımaratyna bardy. Aıta ketý kerek, bul aýdandyq Jastar ortalyqtarynyń arasynda balansyna jeke ǵımarat alǵan alǵashqy ortalyq. Munda 14-29 jas aralyǵyndaǵy jastar bos ýaqyttaryn tıimdi paıdalanyp, jańa jobalardy josparlaı alady, ár túrli máseleler boıynsha keńes alýǵa da múmkindik qarastyrylǵan.
Oblys ákimi jastarmen kezdesip, ıdeıalaryn tyńdady, olardy qyzyqtyratyn taqyryptar men jobalar týraly bildi. Aýdan ákimine jastarǵa kásipkerlik negizderin belsendi túrde túsindirý kerektigin aıtyp, tapsyrma berdi.
- Memleket basshysy aıtqandaı, shaǵyn jáne orta bıznes - bizdiń ekonomıkamyzdyń draıveri. Stýdentterdi bıznes sýbektilerinde tájirıbeden ótkizý jaıyn oılastyrý kerek. Aýdanda 1 465 kásipker bar, olar stýdentterge bıznes negizderin oqyta alady. Memleket óz kezeginde bul tájirıbeniń aqysyn tóleı alady, - dedi oblys ákimi.
Sonymen qatar aımaq basshysy Mııaly aýylyndaǵy qyzmettik úılerge de bardy. 2018 jyly salynǵan bul úılerde muǵalimder, dárigerler men quqyq qorǵaý organdarynyń qyzmetkerleri, memlekettik qyzmetshiler turady. Qurylystyń jalpy aýdany - 1155 km.
Aımaq basshysy Qyzylqoǵa aýdanyndaǵy tarıhı-ólketaný mýzeıine bardy. Mýzeıde aýdan tarıhyna qatysty toǵyz myńnan astam jádiger bar. 2018 jyly mýzeıde 3700 adam bolǵan.
Jumys sapary barysynda Nurlan Noǵaev «Nur Otan» partııasynyń Qyzylqoǵa aýdandyq fılıalynda qoǵamdyq qabyldaý ótkizip, turǵyndardyń saýaldaryna jaýap berdi.
Baqytgúl BABASh,
«Egemen Qazaqstan»
Atyraý