Almaty oblysynyń aýmaǵynda ornalasqan áskerı bólimniń sarbazy atylyp óldi.
Qaıǵyly jaǵdaı Qarasaı aýdany Uzynaǵash aýylynda ornalasqan Ulttyq gvardııa bóliminde bolǵan. Qatardaǵy jaýynger ózine senip tapsyrlyǵan atys qarýynan oq atyp, basynan jaralanǵan. Jaraqat saldarynan bir jyldan astam merzim boıyna azamattyq boryshyn ótep júrgen astanalyq Ulasbek Qojan ajal qushty.
- Qazirgi ýaqytta áskerı bólimde bolǵan oqıǵaǵa baılanysty quqyq qorǵaý organy men áskerı prokýratýra tergeý, tekserý jumystaryn bastady. Jaýyngerdiń qaıǵyly qazaǵa ushyraýyna oraı, otbasyna kóńil aıtamyz. Ázirge jaýyngerdiń boryshyn óteý kezinde ózine qol jumsaýyna sebep bolatyndaı oqıǵa bolmaǵandyǵy anyqtaldy. Tergeý nátıjesin qosymsha habarlaımyz – dedi Ulttyq gvardııanyń «Ońtústik» óńirlik basqarmasynyń basshysy Ánýar Úkibaev.
Qalmahanbet MUQAMETQALI,
«Egemen Qazaqstan»
Almaty oblysy