Dopty hokkeıden Shvesııada ótip jatqan álem chempıonatynda Qazaqstan quramasy óziniń alǵashqy jeńisine qol jetkizdi. Shırek fınaldyq saıysta bizdiń jigitter Norvegııany utty.
Osyǵan deıingi úsh oıyn da jerlesterimiz úshin sátsiz aıaqtalǵan edi. Olar úsh kezdesýdi qarsylastar qaqpasyna nebary eki gol soǵyp, óz qaqpasyna 51 dop jiberip aldy. Tarqatyp aıtsaq, Fınlııandııadan 0:9, al Reseı men Shvesııadan 1:22 esepteriıen utyldy. Desek te myqtylar tobynda aınaǵandyqtan Qazaqstannyń bendıshilderi tórtinshi oryn alsa da, pleı-offqa joldama aldy.
Norvegııa qarsy básekeniń alǵashqy taımy 1:1 esebimen aıaqtaldy. Tek úzilisten keıin ǵana es jıǵan jerlesterimiz tórt ret nysanany dál kózdedi. Qorytyndy esep – 4:1. Bizdiń komanda sapynda Raýan Isalıev eki goldyń avtory atansa, Eskendir Nuǵmanov pen Evgenıı Shadrın bir-bir retten mergendik tanytty.
Jartylaı fınalda otandastarymyzdy aıdyn ıeleri kútip tur. Bul match búgin ótedi. Kelesi jartylaı fınalda Reseı men Fınlııandııa kúsh synasady.
Ǵalym SÚLEIMEN,
«Egemen Qazaqstan»