О́ńir jastary Elbasynyń “Jasyl qala – jasyl aýyl” jobasyna qoldaý kórsetý retinde bıyl Petropavl qalasynda jáne árbir aýdanda jastar saıabaqtaryn ashýdy belgilep otyr.
Jastar saıasaty máseleleri jónindegi basqarmanyń basshysy Irına Týhvatýlınanyń aıtýynsha, bıyl oblys ortalyǵynda alǵashqy ret “Ivent” respýblıkalyq ınnovasııalyq jobasy, kıber-sporttan óńirlik týrnır, jumysshy mamandyqtary boıynsha baıqaýlar jáne “Jastar kerýeni” lageri ótkizilmek. Sońǵy sharanyń shalǵaı eldi mekenderde eńbek etip jatqan jas mamandar úshin mańyzy zor kórinedi.
Al oıy ushqyr jastardyń jańashyl ıdeıalaryn qoldaýǵa arnalǵan “Zhasproject” jobasy odan ári jalǵasady. О́tken jyly bul joba boıynsha 118 mıllıon teńge ınvestısııa baǵyttalypty . 200-den astam soltústikqazaqstandyq óren startap-jobasyn qorǵasa, onyń 67-si shákirtaqymen jáne granttarmen qarjylandyrylǵan. Qarjylyq qoldaýdyń arqasynda 16 sport klýby, 12 bilim berý jáne 9 demalys ortalyǵy, 7 et jáne sút óndirisi kásiporny, tigin sheberhanasy, qus fabrıkasy jáne shınshılla fermasy ashylypty.
Endi “Júz naqty qadam – jastarǵa” jol kartasy jasalyp, eldi mekenderdi abattandyrýǵa, jas kóshetter otyrǵyzýǵa basymdyq berilip otyr.
О́mir ESQALI,
«Egemen Qazaqstan»
Soltústik Qazaqstan oblysy