1 aqpan kúni Germanııanyń Drezden qalasynda short-trekten Álem kýboginiń tórtinshi kezeńi bastaý aldy dep habarlaıdy Olympic.kz.
Qazaqstan quramasy aralas estafetada sátti óner kórsetti. Atap aıtar bolsaq, Álııa Kım, Anastasııa Krestova, Denıs Nıkısha jáne Nurbergen Jumaǵazıev tórttigi shırek fınalda jaqsy nátıje tirkedi.
Bizdiń komanda 2:40.47 kórsetkishimen ázirge úshinshi orynda tur. Birinshi orynda Kanada, ekinshi orynda Reseı sportshylary keledi.
Erler arasyndaǵy estafetada Mersaıd Jaqsybaev, Ádil Ǵalıahmetov, Denıs Nıkısha men Nurbergen Jumaǵazıevter óz tobynda ekinshi oryn ıelenip, jartylaı fınalda baq synaý múmkindigin aldy. Komandanyń kórsetkishi - 7:00.182.
Áıelder arasyndaǵy estafeta synynda Álııa Kım, Anastasııa Krestova, Olga Tıhonova jáne Ásel Taıshymanovalar óz tobyndaǵy ekinshi orynmen jartylaı fınalǵa ótti.
Sondaı-aq, Anastasııa Krestova 1500 metrge jarysýdan jartylaı fınalǵa joldama aldy.
О́kinishke qaraı, 1500 metrde synǵa túsken Nurtilek Qajyǵalı, Ádil Ǵalıahmetov jáne Mersaıd Jaqsybaevtar jarysty merziminen buryn aıaqtady.
Jartylaı fınal básekeleri búgin ótetinin habarlaımyz.
Eske sala keteıik, Drezdendegi álem kýbogi kezeńine ulttyq qurama úzdigi Abzal Ájiǵalıev qatysqan joq. Ol tobyǵynyń jaraqatyna baılanysty týrnırge qatysýdan bas tartty.