«Shyǵys» óńirlik qolbasshylyǵy áskerı bólimder arasynda 2019 jylǵy halyqaralyq Armııa oıyndary sheńberinde «Dala ashanasy» dep atalatyn áskerı aspazdar men naýbaıshylardyń baıqaýyna arnaıy qatysý úshin komandalardy irikteý saıysyn ótkizdi.
Barlyq tilek bildirýshiler ishinde aspazdar jáne naýbaıshylardyń irikteý saıysyna 13 komanda qatysty. Saıystyń erejelerine sáıkes «Dala ashana» saıysy eki kezeńnen turdy. Birinshi kezeńde aspazdar men naýbaıshylar jaýyngerlik daıyndyǵyn kórsetip, avtomatattan oqý-atys jattyǵýyn oryndasa, ekinshi kezeńde «komanda quramynda as daıyndap, nan pisirýden básekelestik» tanytty.
Qazylar alqasynyń sheshimimen irikteý jarysynyń qorytyndysy boıynsha, komandalyq esepte áskerı bólimder arasynda jeńimpaz bolyp 10181 jáne 27943 áskerı bólimderiniń aspazdary men naýbaıshylary tanyldy,dedi «Shyǵys» óńirlik qolbasshylyǵy baspasóz qyzmetiniń jetekshisi, aǵa leıtenant Islambek Qaldybekov.
Islambek Qaldybekovtyń aıtýynsha, bıyl tamyz aıynda áskerı saladaǵy as jáne nan pisirýshileriniń halyqaralyq saıysy Reseı Federasııasynyń Alabıno oqý-jattyǵý alańynda ótedi. Qazaqstandyq áskerı aspazdardyń úzdikteri osyǵan qatysýǵa joldama alady.
Aıta ketý kerek, Armııanyń halyqaralyq oıyndary 28 sala boıynsha Qazaqstan men shet memleketterdiń áskerı mamandarynyń eń kúshti ókilderin anyqtaıtyn 2015 jyldan beri dástúrli túrde ótkizip kele jatqan jarystar.
Raýshan QABJANQYZY,
«Egemen QAZAQSTAN»
Semeı