«Jastar jyly - jańa múmkindikter» oblystyq jastar forýmyna qatysýshylar óz jobalaryn usynyp, keıbiri birlesip jumys isteýge daıyn ekenderin aıtty. Osy oraıda oblystyq jastar tıisti mekemelermen birlese otyryp 2019 jylǵa arnalǵan jol kartasy aıasyndaǵy 100 naqty sharany iske asyrylatyn bolady.
-Jastar jylynda aımaq jastaryna qajetti jáne túsinikti sharalar qabyldaýymyz qajet, olar 4 negizgi baǵytty qamtýy tıis, jastardyń sapaly jáne qol jetimdi bilim alýy, jumys pen qamtylýy, turǵyn úı alýyna múmkindikter jáne otbasy qurýyna jaǵdaı jasaý. Bıyldan bastap, jastardyń sapaly bilim alýy úshin oblys ákiminiń arnaıy granttarynyń sany 150-den 200-ge deıin artady. Atap aıtqanda aǵymdaǵy jyly «Dıplom men aýylǵa» baǵdarlamasy boıynsha 221 jas aýyldyq jerlerge tartylyp, olarǵa kóterme aqy beriledi. «Jastar praktıkasy» jobasy arqylymyńnan asa jas jumys oryndaryna joldanyp, odan ári turaqty jumyspen qamtý sharalary qabyldanady. «Jasyl el» baǵdarlamasy men jaz aılarynda jumyspen qamtylatyn jastar sany 1500-ge jetpek. Jastar kásipkerligin qoldaý baǵytynda «Bastaý bıznes» jobasy arqyly 800 jasty oqytý josparlanǵan, dedi aımaq basshysy E.Toǵjanov.
Sonymen qatar,bıylǵy jyly óńir jastaryn kóptegen tyń jobalar kútip tur. Atap aıtsaq, jastarǵa patrıottyq tárbıe berý, olardy qoǵamdyq-mádenı ortaǵa tartý maqsatynda 500-ge tarta túrli deńgeıde is-sharalar uıymdastyrylady. Máselen, 2 iri halyqaralyq shara uıymdastyrý kózdelip otyr. Birinshi, tamyz aıynda Aqtaý sammıtiniń 1 jyldyǵy aıasynda Mańǵystaýǵa shekaralas memleket jastarynyń «Jastar dostyǵy – 2019» forýmy. Maýsym aıynda «Rýhanı jańǵyrý» jáne «Uly dalanyń 7 qyry» maqalalary aıasynda «О́z tarıhyńdy tanyp bil» atty jastardyń respýblıkalyq ekspedısııasy ótkiziledi. Aýqymdy ekspedısııa Mańǵystaýdan bastaý alyp, odan ári Atyraý (Saraıshyq, Isataı, Mahambet keseneleri), Oral (Bókeı orda), Aqtóbe (Qobylandy batyr kesenesi), Qyzylorda, Ulytaý, Túrkistan, Esik qorǵany, Astana qalalaryn aralamaq.О́ńirdiń jas ǵalymdaryn ınvestorlarmen tanystyrý, olardy halyqaralyq kórmelerge qatystyrý jáne eńbegin tanytý maqsatynda jáne bir joba qolǵa alynbaq. «Týǵan jer upgrade» Sherqala nemese Aıraqty taýy eteginde ótetin kóshpeli jastar kezdesý-trenıngi. Respýblıka boıynsha «100 jańa esimge» engen, jetistikke jetken tulǵalar shaqyrylady dep josparlanyp otyr.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy