Jeńil avtokólikterdiń shet elderden zańdy ákelingenin memlekettik kirister organdaryna habarlasyp, bilýge bolady dep habarlaıdy Memlekettik kirister komıtetiniń baspasóz qyzmeti.
Qazirgi ýaqytta halyq Armenııadan jáne Qyrǵyzstannan jeńil avtomobılderdi ákelý múmkindigine belsendi qyzýshylyq tanytýda. Osyǵan baılanysty Qyrǵyzstanda 2014 jylǵy 1 qańtardan bastap 2020 jylǵy 1 qańtarǵa deıingi kezeńde, Armenııada 2014 jylǵy 10 qazannan bastap 2020 jylǵy 1 qańtarǵa deıingi kezeńde rásimdelgen avtokólikter sheteldik taýarlar bolyp tabylatynyn jetkizemiz.
Avtokólikterdi Qazaqstan Respýblıkasyna ákelý kezinde resimdeý jáne kedendik tólemderdi tóleý kerek.
Qazaqstanǵa 2014 jylǵy 1 qańtarǵa deıin Qyrǵyzstanda jáne 2014 jylǵy 10 qazanǵa deıin Armenııada rásimdelgen avtokólikterdi shekteýsiz ákelýge bolady.
Avtokólikterdi satyp alý kezinde azamattarǵa aýmaqtyq memlekettik kirister organdaryna nemese Memlekettik kirister komıtetiniń 8-800-080-6452, 70-14-81, 71-86-18 nómirlerine habarlasyp, avtomobılderdiń zańdy ákelingenin jáne kedendik tazartýdan ótkendigin tekserýge keńes beremiz.