Tótenshe jaǵdaılar departamenti elordanyń kásiporyndary men uıymdarynyń basshylyǵyn jumys kúnin qysqartýǵa shaqyrdy dep habarlaıdy Astana qalasy ákimdiginiń resmı saıty.
Aýa raıynyń buzylýy jáne aýa temperatýrasynyń kúrt tómendeýine baılanysty, jazataıym oqıǵalardy boldyrmaý maqsatynda Astana qalasy Tótenshe jaǵdaılar departamenti memlekettik organdarǵa, bilim berý mekemelerine, kásiporyndar, qurylys nysandaryna jumys kúnin qysqartýdy usyndy.
«Bul aqparat qalany tirshilikpen qamtamasyz etý uıymdary, atap aıtqanda, órt sóndirý, polısııa qyzmetteri, Tótenshe jaǵdaılar departamenti, jedel járdem qyzmeti, kommýnaldyq qyzmetterge qatysty emes» dep habarlady Tótenshe jaǵdaılar departamenti.
«Tótenshe jaǵdaı týyndaǵan jaǵdaıda «112» nómirine qońyraý shalý kerek», - dep eske saldy vedomstvo.