Tótenshe jaǵdaılar departamenti qala turǵyndary men qonaqtaryn qala syrtyna jol júrmeýge jáne aýa raıy kúrt nasharlaǵan jaǵdaıda múmkindiginshe úıden shyqpaýǵa shaqyrady dep habarlaıdy Astana qalasy ákimdiginiń resmı saıty.
Astana qalasy Tótenshe jaǵdaılar departamenti aýa raıynyń qolaısyzdyǵyna baılanysty 5-7 aqpan aralyǵynda jedel shtab uıymdastyrdy.
5 aqpanda «112» qyzmetine ártúrli sıpattaǵy 6638 qońyraý (joldardyń jabylýy – 2211, sabaqtyń bolmaıtyny týraly - 2307) kelip túsken. 5 aqpanda saǵat 20:00-den bastap Departament bólimsheleri «Astana-Qorǵaljyń», «Astana-Qosshy», «Astana-Kókshetaý», «Astana-Atbasar», «Astana-Pavlodar» jáne «Astana-Qaraǵandy» baǵyttary boıynsha joǵary ótimdi avtomobıldermen (KÝNG) patrýldeý jumystaryn júrgizdi, 60 adam (onyń ishinde 9 bala) 19 birlik tehnıka qar qursaýynan shyǵaryldy.
«01 saǵat 10 mınýtta Qoıandy kentiniń aýdanynda ishinde júkti áıel bar avtokóliktiń qar qursaýynda qalyp qoıǵandyǵy týraly habarlama kelip tústi. Oqıǵa ornyna Departamenttiń bólimshesi jiberildi, bosanatyn áıeldi №1 perınataldyq ortalyqqa jetkizdi jáne akýsherlerge tapsyrdy», dep habarlady Tótenshe jaǵdaılar departamenti.
«Astana-Pavlodar» tasjolynan basqa barlyq baǵyttar boıynsha joldar ashyq, biraq júk jáne qoǵamdyq kólik úshin shekteýler bar.
Astana qalasy Tótenshe jaǵdaılar departamenti qala turǵyndary men qonaqtaryn qala syrtyna jol júrmeýge jáne aýa raıy kúrt nasharlaǵan jaǵdaıda múmkindiginshe úıden shyqpaýǵa shaqyrady.Qazirgi tańda qaladaǵy jaǵdaı turaqty jáne baqylaýda.
Elorda turǵyndary men qonaqtarynyń nazaryna:
- muqııat bolyńyz, aýa raıynyń ózgerýi týraly aqparatty jáne engizilgen shekteýlerdi jiti qadaǵalańyz;
- kóshede baǵandardan, aǵashtardan, jarnamalyq taqtalardan, EJJ jáne symdardan alys júrýge tyrysyńyz;
- jeke avtokóligińizdi aǵashtar men eski qurylystardan alys qoıyńyz;
- qurylys obektileri halyqty jáne aýmaqty qolaısyz aýa raıy jaǵdaılarynyń áserinen qorǵaý jóninde qosymsha sharalar qabyldasyn; múmkindiginshe qurylys obektilerindegi qurylys-montaj jumystarynyń qyzmetin shektesin.
Tótenshe jaǵdaı týyndaǵan kezde «112» nómirine qońyraý shalyńyz!