«Sesnabank» aksııalarynyń baqylaý paketin «First Heartland Securities» aksıonerlik qoǵamy satyp aldy Bul týraly Ulttyq bank málimdedi.
Ulttyq banktyń málimdemesine súıensek, banktiń kapıtalyna jańa ınvestor tartyp, aýyl sharýashylyǵy ónimderin óndirýshilerge qosymsha qoldaý kórsetý jáne olardyń jyldam qalypqa kelýi úshin jaǵdaılar jasaldy. Sonyń negizinde «First Heartland Securities» kompanııasy «Sesnabank» aksııalarynyń baqylaý paketin satyp aldy.
«Sesnabank» AQ-tyń úlesine valıýtalyq kredıtter túrindegi júktemesi bar agroónerkásiptik sala kredıttik portfeliniń 65%-y tıesili ekendigi belgili. Syrtqy naryqtardaǵy jyldam ózgeretin ahýaldyń qysymymen aýyl sharýashylyǵy óndirýshileriniń qarjylyq ornyqtylyǵy nasharlady. О́z kezeginde bul Banktiń qarjylyq ornyqtylyǵyna áser etti», delingen habarlamada.
Sondaı-aq «Problemalyq kredıtter qory» AQ «Sesnabankten» 604 mıllıard teńgege aýyl sharýashylyǵy nesıe portfelin satyp aldy.
«Ulttyq Bank pen Qazaqstan Respýblıkasynyń Úkimeti bekitken «Sesnabank» AQ-nyń qarjylyq turaqtylyǵyn jaqsartý jáne agroónerkásiptik keshendi qoldaýǵa baǵyttalǵan sharalarǵa sáıkes agroónerkásiptik keshen (AО́K) kásiporyndary úshin biryńǵaı boryshtyq saıasatty júzege asyrý maqsatynda «Problemalyq kredıtter qory» «Sesnabanktiń» aýyl sharýashylyǵy nesıeleri portfelin 604 mlrd. teńgege satyp aldy», delingen habarlamada.
Esterińizge sala keteıik, 25 qańtarda «Sesnabanktyń» qarjylyq kómekke muqtaj ekenin týraly aqparat shyqqan bolatyn. «Sesnabankke» kómek kórsetý jospary Qazaqstannyń bank júıesiniń jaı-kúıi týraly suraq týdyrady. О́tken jyldyń sáýir aıynda QR Prezıdenti Nursultan Nazarbaev sektordy tazartý úshin bılik 10 mıllıard dollar jumsaǵanyn, endi bankterge kómektese almaıtynyn aıtqan bolatyn.
Ulttyq Banktiń derekteri boıynsha, 1 qańtardaǵy jaǵdaı boıynsha Sesnabank aktıvteri 1 trln. 711 mlrd. teńgeni qurady (bank sektorynyń aktıvteriniń 6,77% -y). Merzimi keshiktirilgen kredıtter 39,19% (júıe boıynsha barlyǵy 14,51%) dep baǵalandy. Aqparatqa sáıkes, aǵymdaǵy jyldyń basynda «Sesnabank» AQ turǵyndarynyń salymdary 380 mıllıard teńgeni quraıdy. Banktegi zańdy tulǵalardyń depozıtteri - 320 mıllıard teńge. «Sesnabank» - Qazaqstandaǵy kommersııalyq banktiń ekinshi iri nesıe portfeli.
Ulttyq Bank pen Úkimet iske asyrǵan sharalar kesheni jáne «Sesnabank» AQ-qa jańa ınvestor tartý «Sesnabank» AQ-ty qalypqa keltirýge múmkindik berdi. Qazirgi ýaqytta banktiń Ulttyq Banktiń eń tómengi talaptarynan asatyn kapıtaldandyrý jáne ótimdilik kórsetkishteri, kredıtorlarǵa qarajattyń qaıtarylýyn qamtamasyz etetin, teńgemen uzaq merzimdi qorlandyra alatyn turaqty qory bar.
«Sesnabank» AQ-ty qarjylaı qalypqa keltirý jospary qazirgi aksıonerleriniń teńbe-teń qatysýymen ne jańa ınvestorlardy tarta otyryp memleket tarapynan qoldaý kórsetýdiń negizdiligi; provızııalardyń, kapıtaldyń jáne ótimdiliktiń táýekel-beıinine sáıkes keletin qajetti qoryn jasaý qaǵıdattarymen; jáne tıimdi menedjmentti tarta otyryp, qarjy ınstıtýtynyń bıznes-modelin keıinnen ózgertý arqyly iske asyryldy.
«Sesnabank» AQ óziniń salymshylary, kredıtorlary men ınvestorlary aldyndaǵy mindettemelerin oryndap jatqan, ornyqty qarjy ınstıtýty retinde jumys isteýin jalǵastyrady. «Sesnabank» AQ-tyń odan ári damý strategııasyn FHS aksıonerleri aıqyndaıdy.