Qaraǵandy oblysynda aqpan aıynyń 4-i jáne 5-i kúnderi úsik shalǵan segiz adam medısınalyq kómekke júginip, olardyń altaýy aýrýhanaǵa jatqyzyldy. Taǵy eki adam ambýlatorlyq jaǵdaıda emdelýde.
Sınoptıkterdiń málimetine saı, aqpannyń 6-y men 7-i kúnderi oblysta aýa temperatýrasy -37,-42 gradýsqa deıin tómendeýi múmkin. Tipti, keı jerlerde aıaz -45 gradýstyń shamasynda bolady degen de boljam bar.
Osy oraıda Qaraǵandy oblystyq densaýlyq saqtaý basqarmasy jurtshylyqqa habarlama taratyp, bul kúnderi jyly kıinip, qajet bolmaǵan jaǵdaıda dalaǵa shyqpaý kerektigin eske salady.
Qaırat ÁBILDA,
«Egemen Qazaqstan»
Qaraǵandy oblysy