Qaraǵandy oblysyndaǵy Qyzyljar aýylynda bir jyl buryn kúrdeli jóndeýden ótken mektep jabylyp qaldy. Sebep – munda bala oqytý tipti de múmkin emes eken: ǵımarattyń qabyrǵalary qaqyrap, syzdyń saldarynan edeni shirı bastaǵan.
80 mıllıonnan astam teńgege sapasyz jóndeý júrigizilgen bilim oshaǵy jabylǵannan keıin, ondaǵy balalar 10 shaqyrym jerdegi kórshi aýyldyń mektebine qatynap oqyp júr.
Qyzyljar mektebinde bala oqytý, jumys isteý tipti de múmkin emes degendi aıtady pedagog mamandar. О́ıtkeni, keıingi kezderi balalar arasynda qyshyma qotyrǵa uqsas belgileri bar aýrý túrleri paıda bolǵan. Ustazdar da túrli dıagnozben birinen soń biri aýrýhanaǵa túse bastapty.
Jergilikti bılik kúrdeli jóndeý júrgizgen merdiger fırma óz bylyǵyn joıý úshin bir aı ýaqyt suraǵanyn aıtady.
– Merdigerler aǵash edendi alyp tastap, ornyna beton quıamyz deıdi. Negizi olardyń jeti jylǵa bergen kepildemesi bar, bárin de retteımiz dep otyr. Jumys bitkennen keıin sanepıdstansa qyzmetkerlerin shaqyramyz. Eger olar ruqsat bermese, onda balalardy kórshi aýylǵa tasyp oqyta berýden basqa amal joq, – deıdi Buqar jyraý aýdandyq bilim bólimi jetekshisiniń mindetin atqarýshy Aıdar Ospanov.
Qaırat ÁBILDA,
«Egemen Qazaqstan»
Qaraǵandy oblysy