Astana qalasy men Qazaqstannyń úsh óńirinde aýa raıyna baılanysty eskertý jarııalandy, dep habarlaıdy Qazgıdromet.
17-18 aqpanda Jambyl oblysynyń keı jerlerinde batystan soǵatyn jeldiń kúshi 15-20 m/s bolsa, 17 aqpan kúndiz, 18 aqpan túnde jel qarqyny 23-28 m/s deıin jetedi. Oblystyń ońtústik-batysynda jeldiń ekpini sekýndyna 30 metr jyldamdyqty quraıdy. Keı jerlerde tuman, kóktaıǵaq kútiledi.
Taraz qalasynda 17 aqpanda kúndiz, 18 aqpan túnde ońtústik-batystan soǵatyn jeldiń ekpini 15-20 m/s, keı ýaqyttarda 23-28 m/s bolady. Tuman túsýi yqtımal. 17 aqpan kúndiz Túrkistan oblysynyń keı jerlerinde tuman túsip, kóktaıǵaq bolady. Kúndiz qatty jaýyn-shashyn kútiledi. Túnde keı jerlerde, kúndiz basym bóliginde ońtústik-batystan soǵatyn jeldiń kúshi 15-20 m/s, keı jerlerde ekpini 23-28 m/s, taý asýlarynda 30 m/s asady dep kútiledi.
17 aqpanda Aqmola oblysynyń keı aımaqtarynda jaýyn-shashyn (kóbinese qar túrinde) jaýady, burqasyn, tuman, kóktaıǵaq kútiledi. Ońtústikten, ońtústik-batystan soǵatyn jeldiń kúshi keı jerlerde 15-20 m/s bolady.
17 aqpan kúni Astana qalasynda qar jaýady, tuman, kóktaıǵaq kútiledi. Daýyldy eskertýdiń yqtımaldyǵy - 85-90%.