Aqtóbede qıyn jaǵdaıǵa tap bolǵan balalardy qoldaıtyn «Aıala» ortalyǵy ashyldy. Mekeme Alǵa balalar úıi men kámeletke tolmaǵandardy beıimdeý ortalyǵynyń birigýinen qurylǵan. Bul óńirde balalar úıi tárbıelenýshileriniń sany azaıǵandyǵyna baılanysty.
16 aqpan, senbi kúni oblys ákimi Berdibek Saparbaev jumys sapary kezinde jańa Ortalyqta boldy.
О́ńir basshysy jetim jáne ata-ana qamqorynsyz qalǵan balalardyń atalmysh mekemedegi turmysymen jáne tárbıesimen tanysty, ortalyqtyń basshylyǵymen, pedagogıkalyq ujymymen jáne tárbıelenýshilerimen kezdesti.
«Balalar – Qazaqstannyń bolashaǵy, sondyqtan bizder – eresekter sizderdiń laıyqty tárbıe alyp, damýlaryńyz úshin bárin jasaýymyz qajet. Bizdiń oblysta barlyq tıisti sharalar qabyldanyp jatyr. 2018 jyl Baqytty balalyq jyly bolyp jarııalanǵan bolatyn. Sizder ata-anasyz qalǵandyryńyz úshin kináli emessizder. Biraq sizder qurdastaryńyz sekildi jaqsy bilim men tárbıe alýlaryńyz kerek. Sabaqty jaqsy oqyp, sportpen, ónermen aınalysyp, tártipti bolsańyzdar, mindetti túrde ómirde óz oryndaryńyzdy taýyp, Qazaqstannyń laıyqty azamaty bolasyzdar. Bizdiń mindetimiz – sizderge barlyq jaǵdaıdy jasaý. Keleshekte eshbir bala memleket qamqorynsyz jáne qoldaýynsyz qalmaýy kerek. Elbasynyń áleýmettik saıasaty soǵan baǵyttalǵan»,- dedi ol ortalyq tárbıelenýshilerimen áńgime kezinde.
Oblys ákimi mekemege sportpen jattyǵý qurylǵysyn tartý etip, balalarǵa syılyqtar men táttiler berdi.
Ortalyqta balalardy tárbıeleýge jáne oqytýǵa, bos ýaqyttary men demalysyn uıymdastyrýǵa, medısınalyq, psıhologııalyq qoldaý kórsetýge qajetti jaǵdaılar jasalǵan. Ustazdar men psıhologtar balalarǵa mamandyq tańdaýǵa, óz betimen ómir súrýge kómektesedi. Ortalyqqa 3-18 jas aralyǵyndaǵy balalar qabyldanady. Búgingi tańda munda 33 tárbıelenýshi turady.