Bıyl E.О́mirzaqov atyndaǵy oblystyq fılarmonııaǵa 75 jyl tolady. Oblysta úsh kún boıy dúrildep ótken dırıjerler forýmynyń sońǵy qorytyndy konsertinde Oblystyq mádenıet basqarmasynyń basshysy Erlan Qalmaqov oblystyq fılarmonııanyń dırektory Nazymbek Moldahmetovke avtobýs kiltin tapsyrdy. Sonymen qatar ol bıyl óner ujymynyń mereıtoıy úlken tabystarmen atalyp ótetinin jáne materıaldyq jaǵynan nyǵaıa túsetinin aıtty.
– Bıyl Qostanaı qalasynyń jańa turǵyn aýdanynda salynyp jatqan oblystyq fılarmonııanyń ǵımaraty tapsyrylady. Qostanaılyqtar men qala qonaqtary konsertti zamanaýı konsert zalynda otyryp, tamashalaıtyn ýaqyt ta alys emes. Sonymen qatar ártisterge jańa kostıým de umytylmaıdy, – dedi Erlan Bolatuly.
Al ujymǵa syıǵa tartylǵan avtobýs ártisterge gastrolge shyǵýǵa qajet. Onda barlyq qolaılylyq eskerilgen.
Názıra Járimbet,
«Egemen Qazaqstan»
Qostanaı