Balalarǵa qamqorlyq – basty murat

Osyǵan oraı, Ortalyq kommýnıkasııalar qyzmetin­de ótken brıfıngte partııa Tóraǵasynyń birinshi orynbasary Máýlen Áshimbaev atalǵan baǵyttaǵy bastamalarǵa toq­talyp, Keńes aıasynda jumy­syn bastaǵan Biryń­ǵaı áleýmet­tik tereze júıe­si men muqtaj azamattarǵa kómek kórsetýdi jetildirýdiń tıimdi tetikteri týraly aıtty. Sondaı-aq ol balalar quqy­ǵyn qorǵaý máse­lesinde mem­le­kettik organ­dardyń, úkimet­tik emes uıym­dardyń jáne erik­tilerdiń qyz­metin úılestirýdegi par­tııanyń róline nazar aýdardy.

Is-shara barysynda Máýlen Áshimbaev elimizde Memleket basshysynyń tapsyrmasymen áleýmettik salany damytý maq­satynda aýqymdy jumys­tar atqarylyp jatqanyn aıtty. Sonymen qatar ol halyqqa kórsetilip kele jatqan memle­ket­tik áleýmettik kómek túr­lerine nazar aýdardy. «Elba­synyń tapsyrmasymen memleket tarapynan qoǵamdaǵy áleý­mettik máselelerdi oń sheshý­ge baǵyttalǵan aýqymdy jumy­s­tar atqarylýda. Memleket bas­shysynyń bes áleýmettik bastamasy men sońǵy Joldaýyn­da da halyqtyń ál-aýqa­tyn jaqsartyp, turmys sapasyn arttyrýǵa basymdyq beril­geni belgili. Atap aıtqan­da, Joldaýda Elbasy baspana­nyń qoljetimdiligin qamtama­syz etý, tarıfterdi shekteý, eń tómengi jalaqy kólemin ósirý, medısınalyq qyzmet sapasyn arttyrý jáne taǵy basqa da naqty máselelerge nazar aýdaryp, tıisti tapsyrmalar berdi. Búginde sol baǵyttar boıynsha memlekettik organdar júıeli jumys júrgizýde», – dedi Máýlen Áshimbaev.

Sonymen qatar búginde kóp balaly otbasylarǵa qoldaý kórsetý isinde de aıtarlyq­taı jumys istelgenine nazar aýdarǵan partııa Tóraǵasy­nyń birinshi orynbasary ót­ken jyly tek respýblıka­lyq bıýdjet pen Áleýmettik saqtandyrý qorynan balalary bar otbasylarǵa qoldaý kórsetý úshin 311 mlrd teńge bólingenin tilge tıek etti.

Memlekettik qoldaýdyń tek áleýmettik járdemaqylar­men shektelmeıtinin aıtqan Máý­len Áshimbaev basqa da naq­ty kómekterge toqtalyp ótti. «Muqtaj jandarǵa jergilikti atqarýshy organdar tarapynan da aıtarlyqtaı áleýmet­tik kómekter kórsetilip keledi. Máselen, óńirlerde turǵyn úı tólemderi, eseptegish qural­daryn ornatý tólemderi, mektepterde balalardy ystyq tamaq­­pen qamtamasyz etý, az qam­­tylǵan otbasylar úshin bala­­­baqshamen qamtýǵa baılanysty tólemder sııaqty naqty qoldaýlar bar», – degen partııa Tóraǵasynyń birinshi orynbasary mundaı áleýmettik kómek­ter aldaǵy ýaqytta da jal­ǵasatynyn jetkizdi.

Osy rette Máýlen Áshimbaev odan basqa da ortalyq jáne jergilikti atqarýshy organdar arqyly júzege asyrylatyn túrli tetikterge kóńil bóldi. Bul jumystardyń barlyǵyn ortaq júıege keltirý úshin «Baqytty otbasy» partııa­lyq jobasy qaıta jandandy. Bul joba az qamtylǵan kóp balaly otbasylarǵa júıeli qoldaý kórsetýge baǵyttalǵan». Búginde kóptegen qazaqstandyq otbasylardyń zań boıynsha ózderine tıesili kómekti ala almaı otyrǵany baıqalady. Sol sııaqty jergilikti atqarýshy organdar tarapynan da beriletin kómekten qaǵylyp otyrǵan otbasylar bar. Oǵan bıýrokratııalyq keleńsizdikterden bastap, jaı ǵana kóńil bólmeýge deıingi túrli jaıttar sebep. Sondyqtan partııa atalǵan Keńes aıasynda elimiz boıynsha Biryńǵaı áleýmettik tereze jobasyn qolǵa aldy. Bul joba partııa­nyń qoǵamdyq qabyldaý bólme­leri arqyly qyzmet kórsetedi. Ol jerde kóp balaly jáne az qamtylǵan otbasylar men muqtaj azamattarǵa memleket pen jergilikti bıýdjetten beriletin ózderine tıesili áleýmettik kómekter týraly naqty keńester alýǵa múmkindik bar. Bizdiń qyzmetkerlerimiz tek aqparat berip qana qoımaı, istiń sońyna deıin jetkizilýin qadaǵalaıdy», – dedi «Nur Otan» partııasy Tóraǵasynyń birinshi orynbasary.

Qazirgi tańda partııanyń elimiz boıynsha 230-ǵa jýyq qabyldaý bólmesi bar. Iаǵnı, atalǵan áleýmettik tereze solardyń barlyǵynda ashylady. Onda kóp balaly analardy jumyspen qamtý, qaıta oqytý, balalardy balabaqsha men mektepterge ornalastyrý, zańgerlik keńester sııaqty basqa da kóptegen qoldaýlar men qyzmetter kórsetiledi. Sonymen birge atalǵan áleýmettik terezeler arqyly muqtaj jandarǵa kómekteskisi keletin úkimettik emes uıymdar men kásipkerlerge de mol múmkindikter týmaq. Naqty aıtqanda, partııanyń qabyldaý bólmelerinde kómekke zárý otbasylardyń tizimi jasaqtalady. Budan basqa, «Baqytty otbasy» jobasy aıasynda áleýmettik qorǵaý organdarymen jáne ákimdiktermen birlesip úı-úıdi aralaý isi qolǵa alynyp otyr.

О́z kezeginde brıfıngke qatysqan «Nur Otan» partııasy janyndaǵy Balalar quqyǵyn qorǵaý jónindegi respýblıka­lyq keńes tóraǵasynyń oryn­ba­sary Dınara Zakıeva Keńes­tiń jumysy men onyń baǵyt­tary týraly egjeı-tegjeıli aıtyp berdi. Al Eńbek jáne halyqty áleýmettik qorǵaý mınıstrligi Eńbek, áleýmettik qorǵaý jáne kóshi-qon komı­teti tóraǵasynyń orynbasary Dámejan Sádýaqasova memleket tarapynan kórsetiletin áleýmettik kómekterge keńinen toqtaldy.

Aıta keterligi, «Nur Otan» partııasy janyn­daǵy Balalar quqyǵyn qor­ǵaý jónindegi respýblıka­lyq keńes Elbasy tapsyrmasymen 2019 jyldyń 7 aqpanynda quryldy. Atalǵan Keńes ar­qyly «Nur Otan» kóp balaly otbasylarǵa qoldaý kórsetýdi aıtarlyqtaı arttyryp, óske­leń urpaqtyń quqyqtary men zańdyq múddelerin qorǵaý isin qaıta qaraýdy kózdep otyr. Jańa konsýltatıvtik-keńes­shi organnyń quramynda Par­lament Májilisiniń depýtattary, memlekettik organdar men úkimettik emes uıymdar ókil­deri, salalyq sarapshylar jáne qoǵam qaıratkerleri bar.

Serik ÁBDIBEK,

«Egemen Qazaqstan»