Inspeksııalyq top jaýyngerlik daıarlyq departamentiniń bastyǵy general-maıor Almaz Jumaqeevtiń basshylyǵymen qazaqstandyq bitimgershilik rotasyn tekserý úshin Lıvan Respýblıkasyna keldi. Bul týraly Qorǵanys mınıstrliginiń baspasóz qyzmeti habarlady.
Top qazaqstandyq bitimgershilik rotasynyń aımaqtaǵy jaǵdaımen, qazaqstandyq bitimgerlerdiń moraldyq-psıhologııalyq jaı-kúıimen tanysty. Qarýdyń, oq-dárilerdiń jáne áketilgen múliktiń jaı-kúıin tekserdi, sondaı-aq bólimshelerdi rotasııalaýdy uıymdastyrý jónindegi máselelerdi naqtylady.
Aıta keteıik, úsh jarym aı boıy úndistandyq mıssııa batalony quramyndaǵy qazaqstandyq bitimgershilik polkiniń jıyntyq bitimgershilik rotasynyń 120 áskerı qyzmetshisi Lıvandaǵy BUU-nyń ýaqytsha Kúshteri BUU mandatyna sáıkes aımaqtaǵy beıbitshilik pen qaýipsizdikti qoldaý boıynsha mindetterdi oryndaıdy.