Qyzylorda oblysynda turmysy tómen otbasylaryna satyp alý quqyǵynsyz jalǵa beriletin 18 turǵyn úı salynyp jatyr. «Nurly jer» memlekettik baǵdarlamasy aıasynda qurylys jumystaryna 3 jarym mıllıard teńge bólingen.
666 páterli arendalyq úıler oblys ortalyǵynan bólek Qazaly jáne Shıeli aýdandarynda boı kóteredi. Jalpy sońǵy 6 jylda Qyzylorda qalasynyń ózinde 15 shaǵyn aýdan paıda bolyp, 7 myń 700 otbasy baspanaly boldy. Taǵy qandaı jetistikterdi atap ótesiz?
Bul rette árıne janyn shúberekke túıip, apatty jaǵdaıdaǵy úılerdi panalap kelgen 7 júzdeı turǵynnyń máselesi tolyq sheshilgenin atap ótý kerek. Sonymen qatar sońǵy 3 jylda qyzylordalyqtarǵa 25 myńnan astam jeke turǵyn úı telimderi berildi.
О́tken jyly oblys boıynsha barlyq qarjylandyrý kózderinen 70 turǵyn úıdiń qurylysy bastalyp, jyl qorytyndysymen onyń 56-sy paıdalanýǵa berildi. Qazirgi tańda Syrdarııa ózeniniń sol jaǵalaýynda 830 páterdi quraıtyn 17 kóp qabatty turǵyn úı qurylysy júrip jatyr. Alǵashqy 4 úıge turǵyndar birinshi jartyjyldyqta qonystanady dep josparlanyp otyr.
24.kz-tiń habarlaýynsha, árbir otbasyna baspana alýdyń jańa múmkindikterin berý 7-20-25 baǵdarlamasy jáne óńirlik «Orda» jol kartasy aıasynda júzege asyrylýda. Osy rette úı alýdyń sharttary jóninde sala mamany aıtyp beredi. Atalǵan jol kartasynyń tıimdiligi nede?
Respýblıka boıynsha eń arzan baspana qyzylordalyqtarǵa usynylyp otyr. Syrdarııanyń sol jaǵalaýynda salynǵan turǵyn úılerdiń sharshy metri 120 myń teńge shamasynda. Jańa úılerdiń jalpy quny 15 mln teńgeden aspaıdy. Bul rette bastapqy jarna kólemi jergilikti ákimdik tarapynan sýbsıdııalanady.