«Ár dáýirdiń óz mindetteri bar» dep uly Geıne aıtqandaı, ár qoǵamnyń, onda ómir súrip jatqan adamdardyń da alǵa qoıǵan maqsat-mindetteri, armandary men ómirlik ustanymdary bolady. Onyń bári memlekettiń damý, gúldený baǵyttarymen tikeleı baılanysty. Sebebi qaı jerde tynyshtyq bolyp, beıbitshilik saltanat qursa, adamdar da sondaı jaıly mekende ómir súrip, qyzmet jasaǵysy keledi.
Al mundaı qolaıly orta qalyptastyrý, memlekettiń ishki-syrtqy turaqtylyǵyn saqtaý, elde birlik pen yntymaq ornatý – sol Memleket basshysynyń sarabdal saıasatyna, parasat-paıymyna, kóregendigine tikeleı qatysty.
«Nur Otan» partııasy óziniń Kóshbasshysymen birge «Ál-aýqattyq qoǵam: onjyldyqtyń 10 maqsaty» atty «Nur Otan» partııasynyń 2030 jylǵa deıingi baǵdarlamasynyń jobasyn daıyndap jatyr.
«Nur Otan» partııasy qazaqstandyqtardyń jańa ınnovasııalyq býynyn daıyndaý úshin EYDU elderiniń deńgeıine deıin bilim berý júıesin qarjylandyrýdy jáne «Bolashaq» baǵdarlamasy boıynsha pedagogter úshin kvotalardy jáne olardyń eńbekaqysyn ulǵaıtýǵa, árbir mektepte IT-synyptardy jáne elimizdiń árbir eldi mekeninde 3 jasqa tolmaǵan balalarǵa arnalǵan damytý ortalyqtaryn ashýǵa, sondaı-aq erekshe qajettilikteri bar balalarǵa arnalǵan arnaıy ınklıýzıvti balabaqshalar jelisin qurýǵa qol jetkizetin bolady.
Sol sııaqty ózimizdiń dárigerlerimizdiń de jalaqysy Batys elderiniń deńgeıine jetkiziledi. Munyń bári bolmaıtyn dúnıe emes. Otanymyzdyń ekonomıkalyq-áleýmettik ósý jaǵdaıy osyndaı múmkindikterdi boldyrady. Búginde onyń jaqsy belgilerin el ómirinen kórip te jatyrmyz. Qoljetimdi ári arzan nesıeler shaǵyn jáne orta kásipti órkendetýge, jumyssyzdardyń sanyn azaıtýǵa jaqsy áserin tıgizýde. Bir Qyzylorda oblysynyń ózinde jumyssyz ári ózin-ózi jumyspen qamtyǵan júz myńǵa jýyq azamattyń deni «Nur Otan» partııasy men Úkimettiń qoldaýy arqasynda jumys tapty. Osyndaı sharalar respýblıkamyzdyń barlyq aımaqtarynda júzege asyrylýda.
«Nur Otan» partııasynyń 2030 jylǵa deıingi baǵdarlamasy búginde elde bolyp jatqan uly ózgeristerdiń jaqsy bastamashysy ekendigin osylaı dáleldep jatyr.
Aıda ÁBIBÝLLAEVA,
«Nur Otan» partııasy Qyzylorda aımaqtyq fılıaly partııalyq baqylaý komıssııasynyń tóraıymy
Qyzylorda oblysy