2019 jyldyń qysy Batys Qazaqstan oblysynyń turǵyndary úshin óte qarly boldy. «Qazgıdromet» RMK málimdegendeı oblystyń keıbir aýdandarynda bıylǵy jyly qardyń bıiktigi ortasha kópjyldyq mánnen 1,5 eseden 3 esege deıin joǵary. 2019 jyldyń basynan bastap oblysta 12 daýyldy (qatty jeldi) aldyn ala eskertý jarııalandy, Batys Qazaqstan oblysynyń aýmaǵynda jıi bolatyn burqasyndar men borandarǵa baılanysty qardyń kóptep jaýýy saldarynan 72 ret jol jabyldy. Batys Qazaqstan oblysy TJD memlekettik til jáne aqparat toby baspasóz qyzmeti habarlady.
Osyǵan baılanysty, qutqarýshylar qar qursaýynda qalǵan azamattardy qutqarý úshin jıi shyǵady. Máselen, jyldyń basynan beri 809 adam qutqaryldy, 182 adam evakýasııalanyp, 380 avtokólik súırep shyǵaryldy.
BQO Báıterek aýdanynda oryn alǵan oqıǵa bizdiń qutqarýshylardyń jankeshtiliginiń aıqyn úlgisi.
Máselen, 21 aqpanda saǵat 12.05-te BQO TJD biryńǵaı kezekshilik-dıspetcherlik qyzmet basqarmasynyń «112» nomerine Báıterek aýdany Shalǵaı (Peremetnoe aýylynan 41 km) aýyldyq okrýginde kishkentaı sábı aýyryp turǵany jáne aýylǵa baratyn joldardy qar basyp qalǵandyǵy týraly habarlama tústi.
Shaqyrý túskennen keıin Shalǵaı a. jol joqtyǵyna baılanysty Báıterek aýdanynyń TJB qyzmetkeri, azamattyq qorǵaý kapıtany Nıkolaı Slamıhın eldi mekenge tez arada jetýge sheshim qabyldady. Osy maqsatta BQO TJD JQJ qutqarýshylary Tlegenov Batyr men Karabasov Azılhan jáne 1 birlik tehnıka (TREKOL jol talǵamaıtyn kóligi) tartyldy.
Eldi mekenge jetken soń Báıtere aýdanynyń OAA-syna 2018 jyly týylǵan azamat I.V. Kashmanov jáne 1990 jyly týylǵan onyń anasy Iý.I.Kashmanova jetkizildi. Jetisimen olardy medısınalyq mekeme qyzmetkerlerine tapsyrdy. Qazirgi sátte sábı dárigerdiń baqylaýynda.