Qyzylorda oblysynyń prokýratýrasynda alaıaqtyqpen kúres máselelerine arnalǵan vedomstvoaralyq keńes ótti. Oǵan 17 oblystyq memlekettik organdardyń jáne uıaly baılanys operatorlarynyń (Kcell, Beeline, Tele2) basshylary qatysty.
Jıynda málim bolǵandaı, bıylǵy jyldyń basynan beri óńirde alaıaqtyq faktileri qatty artqan eken. Bir azamat 60-tan astam azamatty jumysqa ornalastyrýǵa ýáde berip, árqaısysynan 100 myń teńgeden 200 myń teńgege deıin aqsha alǵan.
«Jalpy keltirilgen zalal alty mln teńgeni quraıdy. Ol elden ketýge áreket etý barysynda Shymkent qalasynyń áýejaıynda ustaldy», - delingen prokýratýra málimetinde.
Vedomstvoaralyq otyrys barysynda qazirgi zamanǵy tehnologııalar, atap aıtqanda, uıaly telefondar men ınternet arqyly jasalatyn qylmysqa qarsy kúres máseleleri talqylady.
Baqtııar TAIJAN,
«Egemen Qazaqstan»
Qyzylorda oblysy