Almatyda TMD elderiniń jas pedıatrlary bas qosty

О́ıtkeni dúnıe esigin ash­qan sábıdiń aǵzasy men eresek adamdardyń keselderinde úl­ken aıyrmashylyqtar bo­la­­­tyny qarapaıym jan­dar­ǵa da aıan. Bala anatomııasy – qursaqqa bitken sátten bas­tap birtindep jetilip kele jat­qan, biraq gor­mondary áli tú­zil­megen bas­qa álem. Bul ony egjeı-tegjeı­li zer­t­­tegen mamandarǵa ǵana bel­­gili. Máselen, medısına ma­man­dary pedıatrlardyń bile­­tinin eresek adamdardy qar­aı­tyn dárigerler bile ber­­meıtinin moıyndaıdy. 

Jastar jyly aıasyn­da ót­kizilgen «Jas zert­teý­shi: za­mana­ýı pedıatrııa jáne balalar hırýrgııasy damýy­nyń syn-tegeýrini men kele­shegi» taqyrybynda ótken ǵylymı-tájirıbelik kon­feren­sııanyń kótergen máse­le­­leri aýqymdy.

Halyqaralyq konfe­ren­sııa­da balalardaǵy aýrý­lar­dy emdeý men dıag­nos­­tıkalaýdyń zamanaýı ádis­te­ri, balalarǵa medı­sı­nalyq kómek berýdi uıym­das­ty­rý aspektileri, sırek aýrýlar­dy emdeýdi jetildirý, túrli hı­r­ýr­gııalyq jáne soma­tı­ka­lyq aýytqýlary bar balalardy ońaltý, psıho­logııa­lyq jáne medısınalyq-áleý­met­tik beıimdeý, balalar ja­s­yn­daǵy ıntensıvti terapııa men anestezıologııa, em bary­synda qoldanylatyn za­ma­­naýı medısınalyq tehno­lo­­gııalar sııaqty ózekti má­se­leler talqylanyp, ǵy­ly­mı jobalar usynyldy. Sonymen qatar pedıatr­ııa tájirıbesinde sırek kezde­se­tin ártúrli klını­ka­lyq jaǵ­daı­lar kóptiń talqy­sy­na sa­lyndy.

Densaýlyq saqtaý mını­str­­ligi, Pedıatrııa jáne bala­­lar hırýrgııasy ǵylymı orta­ly­ǵy, «Pedıatrlar odaǵy» qo­ǵam­­dyq birlestigi men S.Asfen­dııarov atyndaǵy QazUMÝ-dyń balalar aýrý­lary kafedrasynyń uıym­dastyrýymen ótken kon­ferensııaǵa Reseı, О́zbek­s­t­an, Qyrǵyz jáne elimizdiń 200-den astam jas pedıatr­lary men balalar hırýrg-dári­gerleri de qatysty. Kon­fe­rensııada salalyq 100-den astam ǵylymı jumystar, arnaıy baıandamalar, maqalalar jáne posterlik baıandamalar usynyldy. Ártúrli JOO men elderdiń jas delegattary pedıatrııa jáne balalar hırýrgııasy salasyndaǵy tájirıbelerimen bólisti. 

«Zamanaýı me­dısınalyq ǵy­­lym men prak­tıkanyń dam­­­ýy jas ǵa­lymdardyń ǵy­­lymı áleý­etinsiz múmkin emes. Son­dyqtan biz jas ǵa­lym­­dar­dyń ǵylymı áleý­etin arttyrý, jas izdený­shi­ler­di ǵylymmen aına­ly­sý­ǵa shaqyrý maqsatynda osy sharany ótkizdik. Ǵy­ly­­mı-zertteý jumystary tá­jirı­bemen ushtasýy kerek. Bú­gingi konferensııa balalar jasyndaǵy aýrýlardy dıagnostıkalaý, emdeý jáne aldyn alýdaǵy ne­gizgi máselelerdiń betin ashý­ǵa múmkindik beredi dep úmit­te­ne­miz», dedi Pedıatrııa jáne bala­lar hırýrgııasy ǵylymı ortalyǵynyń basshysy Rıza Boranbaeva. 

S.Asfendııarov atyn­da­ǵy QazUMÝ-dyń rekto­ry Talǵat Nurǵojın: «Mem­le­ket basshysynyń bıyl­ǵy jyldy Jastar jyly dep jarııalaýy qoǵamnyń qozǵaýshy kúshi medısına salasyndaǵy jastarǵa jańa serpin beredi dep oılaımyn. Jastar qaı kezde de jastyq jigerinen tanbaı, densaýlyq salasyn damytýǵa, ásirese balalar saýlyǵy jolynda bar kúsh-jigerin sala eńbek etedi dep senemin», deıdi. 

Ǵylymı jobalardy pedıa­trııa jáne hırýr­gııa sala­synyń bilikti maman­da­­rynan quralǵan qazy­lar alqa­sy saralady. Kon­fe­ren­sııa barysynda usy­nyl­ǵan jumystar «Úzdik baıan­da­ma» (pedıatrııa jáne balalar hırýrgııasy salasy boıynsha), «Úzdik maqala», «Úzdik posterlik baıandama» atalym­dary boıynsha arna­ıy dıplomdarmen marapat­taldy. Úzdik baıan­da­malar men ǵylymı maqa­la­lar Pedıatrııa jáne balalar hırýrgııasy ǵylymı orta­lyǵyna qarasty «Pedıa­t­rııa jáne balalar hırýrgııasy» ǵylymı jýrnalynda jarııalandy. Jýrnal ǵy­ly­mı qyzmetterdiń ná­tı­­jelerin jarııalaý úshin Bilim jáne ǵylym mınıs­tr­liginiń Ǵylym jáne bi­lim salasyn qadaǵalaý komı­tetimen usynylǵan, son­daı-aq Reseılik ǵylymı dáıek­sóz alý ındeksi (RINS) málimetter bazasyna kiredi. 

Aldaǵy ýaqytta ǵylymı kon­ferensııa dástúrli shara­ǵa aınalmaq. 

Aınash ESALI,

«Egemen Qazaqstan»

ALMATY