Aqtaýda Sh. Esenov atyndaǵy Kaspıı memlekettik tehnologııalar jáne ınjınırıng ýnıversıteti basshylyǵy jáne onyń quramyndaǵy Teńiz Akademııasy Qazaqstan Respýblıkasyndaǵy Estonııa Respýblıkasynyń Elshiligi ókili Heıtı Mıaemeestiń bastaýymen eki el arasyndaǵy yntymaqtastyqty nyǵaıtý maqsatynda issaparmen kelgen estonııalyq Tallın tehnologııa ýnıversıtetiniń delegasııa múshelerimen kezdesý ótkizdi.
Kezdesý barysynda ýnıversıtettegi sıfrlandyrý baǵytyndaǵy jumystarymen, odan ári Teńiz Akademııasynyń jumys aıasy jáne ondaǵy teńiz oqý-jattyqtyrý ortalyǵymen tanysyp oı bólisti. Eki ýnıversıtet arasyndaǵy yntymaqtastyq baǵyttary men túıinderi anyqtalyp Sh. Esenov atyndaǵy Kaspıı memlekettik tehnologııalar jáne ınjınırıng ýnıversıtetiniń Teńiz Akademııasy men Tallın tehnologııa ýnıversıtetiniń Teńiz Akademııasy arasynda yntymaqtastyq týraly memorandýmǵa qol qoıyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy