Qasym-Jomart Toqaevtyń tóraǵalyq etýimen bolǵan Senat otyrysynda Joǵarǵy palata depýtattary Qazaqstan Respýblıkasynyń Prezıdentine Qazaqstannyń Bas prokýrory etip Ǵızat Nurdáýletovti taǵaıyndaýǵa kelisim berdi dep habarlady Parlament Senatynyń baspasóz qyzmeti.
Qazaqstan Respýblıkasy Prezıdentiniń Bas prokýror laýazymyna taǵaıyndaýyna kelisim berý Senattyń erekshe qaraýyna jatady jáne elimizdiń Konstıtýsııasy men «Prokýratýra týraly» Zańynyń erejelerinde kózdelgen.
Depýtattar usynysqa biraýyzdan daýys berdi. Joǵarǵy palata Tóraǵasy Q.Toqaev jańadan taǵaıyndalǵan Bas prokýrorǵa jumysynyń tabysty bolýyna jáne júktelgen mindetterdi abyroıly atqarýyna tilektestigin bildirdi.