Elbasy Nursultan Nazarbaevtyń Jarlyǵymen Aqmola oblysynyń ákimi laýazymyna Ermek Boranbaıuly Marjyqpaev taǵaıyndaldy. Bul týraly Aqordanyń baspasóz qyzmeti habarlady.
Ermek Boranbaıuly Marjyqpaev 1969 jyly 29 tamyzda KSRO Selınograd qalasynda dúnıege keldi.
1994 jyly S. Seıfýllın atyndaǵy Selınograd pedagogıkalyq ınstıtýtyn, 2001 jyly «Turan» ýnıversıtetin, 2009 jyly Kókshetaý ýnıversıtetin támamdaǵan. Tarıh pániniń muǵalimi, zańger, qarjy bakalavry.
Eńbek jolyn 1991-1992 jyldary dene shynyqtyrý pániniń muǵalimi, boks jattyqtyrýshysy, orta mektepte tarıh pániniń muǵalimi retinde bastady. 1992-1995 jyldary «Shon» ShJK dırektory laýazymyna taǵaıyndaldy.
1995-2008 jyldary «Bereke-Býrabaı» ShJK (JShS) bas dırektory qyzmetin atqardy.
2007-2009 jyldary Aqmola oblystyq máslıhatynyń depýtaty boldy.
2008-2012 jyldary Arshaly aýdanynyń ákimi, 2012-2013 jyldary Aqmola oblysy Zerendi aýdanynyń ákimi bolyp jumys atqardy.
2013-2014 jyldary Aqmola oblysy ákiminiń qurylys, turǵyn úı-kommýnaldyq sharýashylyǵy jáne avtomobıl joldary máseleleri jónindegi orynbasary qyzmetine taǵaıyndaldy.
2015 jyldyń qańtar aıynan bastap Kókshetaý qalasynyń ákimi. «Qurmet» ordenimen (2011), «Qazaqstan Respýblıkasynyń táýelsizdigine 10 jyl» (2001), «Eren eńbegi úshin» (2004), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan. Qazaqstan Respýblıkasy týrızmniń qurmetti qyzmetkeri (2007), Qazaqstan Respýblıkasynyń úzdik kásipkeri (2002) ataǵyna ıe.