Belgili Majar saıasatkeri Gabor Shtır Elbasy Nursultan Nazarbaevtyń Prezıdenttik ókilettiginen bas tartýyna qatysty pikir bildirdi. Onyń aıtýynsha, N.Nazarbaevtyń mundaı sheshim qabyldaýy úlken jaýapkershilikti qajet etti.
«Qazaqstan tek 1991 jyly táýelsizdigin aldy. Buǵan deıin eki jyl boıy Nazarbaev Qazaqstan Kompartııasy Ortalyq Komıtetiniń hatshysy qyzmetin atqardy jáne onyń basshylyǵynyń kezinde Qazaqstan egemendikke ıe boldy. 30 jyl boıy memleket tizgininde bolyp, bes ret qaıta saılandy.
Oǵan berilgen «Ult Kóshbasshysy» mártebesi el ishinde shyn máninde qadirli tulǵa ekenin kórsetedi. Eger Ortalyq Azııadaǵy kórshiles elderge qaraıtyn bolsaq, Qyrǵyzstanda bıliktiń qurylymy múldem basqa jáne memleket basshylary óz halqynyń osynsha qurmetine ıe bolmaıtynyn kóremiz. О́zbekstan halqy Islam Kárimovty qurmettegennen góri, odan qorqatyn. Kárimovtyń mezgilsiz qazasyny onyń óz josparlaryn júzege asyrýǵa múmkindik bermedi.
Eger bul jaǵdaıǵa týra qarasaq, osyndaı sheshimdi qabyldaý úlken jaýapkershilikti qajet etetinin túsinemiz. Eger bireý óz múddesin emes, memleket pen halyqtyń múddesin kózdese, turaqtylyq negizgi faktor bolmaq. Prezıdent óz sheshimimen Úkimettiń ókilettigin keńeıte otyryp, eki jyl buryn bastaǵan bıliktiń «jumsaq» kóshýin qamtamasyz etti» dedi G.Shtır.
Sondaı-aq G.Shtır N.Nazarbaevtyń Qaýipsizdik Keńesiniń tóraǵasy bolyp qala beretinine toqtalyp, «Nur Otan» partııasynyń Tóraǵasy qyzmetin jalǵastyratynyn atap ótti. Onyń paıymdaýynsha, Nazarbaev jańa Prezıdent úshin «qoldaýshy» býyn rólin atqarady. Sonymen qatar Prezıdent ókilettiginen bas tartýy – adamdar jasy kelgen saıyn dana bolyp, mundaı jahandyq sheshimder qabyldaýǵa beıim bolatynynyń kórinisi dep esepteıtinin jetkizdi.
«Eýropalyq túsinik boıynsha Shyǵystaǵynyń bári basqarýdyń aǵylshyn-saksondyq lıberaldy úlgisi emes. Alaıda munyń ózi shyǵystyń ereksheligi dep ataýǵa bolady. Iаǵnı, saılaý kezinde Prezıdent úshin halyqtyń 97 paıyzy daýys beredi.
Aldaǵy ýaqytta Prezıdent ókilettigin N.Nazarbaevtyń senimdi serigi, tájirıbeli dıplomat Qasym-Jomart Toqaev atqarady. Nazarbaevtyń izbasary onyń aınalasyndaǵy adamdardyń biri bolatyny belgili. Al Q.Toqaev sondaı senimdi seriginiń biri. Sondaı-aq Parlamenttiń joǵarǵy palatasynyń depýtaty Darıǵa Nazarbaevanyń esimi de buqaralyq aqparat quraldarynda aıtylyp qalyp júr.
Eger muny keń kólemde, aýmaqtyq tutastyq turǵysynan qarastyrsaq, mundaı qadam jahandyq ózgeriske ákelmeıdi. Negizgi maqsat ta osy. Kútpegen nemese kúshtep bılikti aýystyrýdyń saldary aýyr bolýy múmkin. Nazarbaev munyń aldyn ala bildi» dedi G.Shtır.
Majar saıasatkeri Qazaqstan úlken jetistikterge qol jetkizgenin atap ótip, jalaqy mólsheri 17 ese ulǵaıǵanyna toqtaldy.
«IJО́ boıynsha memleket aımaqtaǵy úzdik elderdiń qataryna kiredi. Kásipkerlik júrgizýge qolaıly jaǵdaı jasaý boıynsha Qazaqstan álemdik reıtıngtiń 36-satysyna jaıǵasqan. Jahandyq deńgeıde bul – úlken kórsetkish. Sondaı-aq jańa astana salyndy.
Áli kúnge deıin Reseı ekonomıkasy men tabıǵı resýrstarǵa baǵynyshty bolǵanyna qaramastan, N.Nazarbaev memleketti negizgi maqsaty – damyǵan elý eldiń qataryna engizdi. Qazaqstan geosaıası ornyn, munaı, gaz, altyn, ýran sekildi shıkizat resýrstaryn paıdalana otyryp mundaı múmkindikti utymdy paıdalanady» dedi G.Shtır.