Qazaqstannyń Tuńǵysh Prezıdenti Nursultan Nazarbaev birneshe aı buryn eldiń Konstıtýsııalyq keńesine Prezıdent ókilettiliginen bas tartýdyń quqyqtyq negizi jaıynda saýal joldaǵan bolatyn. Sol kezde «Prezıdent qyzmetinen ketpek pe?» degen suraq týyndaǵan edi. Keıin Konstıtýsııalyq keńes Prezıdentke resmı jaýap berdi. Endi, mine, Senat spıkeri Qasym-Jomart Toqaevqa zańnamaǵa sáıkes el baqsarý ókilettigin tapsyryp, qyzmetinen ketken jaıy bar.
N.Nazarbaev 30 jylǵa jýyq el basqardy. Ol ókilettiligin kózi tirisinde toqtatqan alǵashqy memleket basshysy retinde Túrki álemine úlgi bolyp otyr. Sondyqtan N.Nazarbaevtyń sheshimin mártebeli qadam retinde baǵalaımyn. Shamasy, Qazaqstan basshysy ómirdegi yqtımal jaǵdaılardyń aldyn alýdy kózdegen tárizdi. Memleket basshysy aıaqasty óz qyzmetin atqara almaı qalar bolsa, elde dúrbeleń týýy múmkin edi. О́ıtkeni, Qazaqstan - óte úlken memleket. Reseımen 7 myń shaqyrymdyq shekarasy bar ári jer kólemi jaǵynan álemde toǵyzynshy orynda tur. Uly Túrkistan aımaǵyndaǵy eń úlken ári kúlli túrkiniń kóziniń qarashyǵyndaı el.
Qazaq kóshbasshysy memleket basqarý mindetin birte-birte Parlamentke ótkizýdi qalaıtyn sııaqty. Sondyqtan N.Nazarbaevtyń ókilettigin toqtatýynan qorqatyn eshteńe joq. Densaýlyǵy jaqsy kezde ornyn basar tulǵany halqyna tanystyrýdy kózdese kerek. Biraq el isinen múldem jyraq qalady dep oılamaımyn. О́ıtkeni, ol – memleket qurýshy Prezıdent. Demek, Kóshbasshy retinde halqyna adal qyzmet ete bereri anyq.
Hadjı Ahmet ShIMShEK,
Selchýk ýnıversıtetiniń professory, Túrkııa