22 naýryz kúni Qazaqstannyń ońtústiginde, batysy men ortalyǵynda atmosferalyq fronttardyń ótýine baılanysty qubylmaly aýa raıy kútiledi, keı jerlerde jaýyn-shashyn bolady. Respýblıkanyń qalǵan aımaqtarynda jaýyn-shashynsyz kún raıy boljanady. Jekelegen aýmaqtarda tuman, kóktaıǵaq, ońtústikte ekpindi jel, naızaǵaı saqtalady.
«Qazgıdromet» RMK-nyń málimetinshe, kúndiz Túrkistan oblysynyń keı jerlerinde naızaǵaı kútiledi, jel 15-20 m/s kúsheıedi. Almaty oblysynyń Jalańashkól aýdanynda jel 17-22 m/s artady. Batys Qazaqstan, Qaraǵandy oblystarynda keı jerlerde tuman, kóktaıǵaq boljanady. Jambyl, Qyzylorda, Mańǵystaý, Atyraý, Qostanaı, Soltústik Qazaqstan, Shyǵys Qazaqstan oblystarynyń, túnde Pavlodar oblysynyń keı jerlerinde tuman kútiledi.