Almaty oblysyna jumys sapary aıasynda QR Premer-Mınıstri Askar Mamın Taldyqorǵan qalasynyń damýymen tanysty, sondaı-aq azamattardyń ál-aýqaty deńgeıin arttyrýǵa arnalǵan áleýmettik nysandardy aralady jáne óńirde ındýstrııalandyrýdyń damýymen tanysty. Bul týraly Qazaqstan Respýblıkasy Premer-Mınıstriniń resmı saıty jazdy.
Nysandardy aralaý kezinde Premer-Mınıstr óńirde Tuńǵysh Prezıdent – Elbasynyń «Áleýmettik qamkorlyq» bastamalarynyń, ındýstrııalyq-ınnovasııalyq damý, «Nurly jol» ınfraqurylymdyq damý, «Nurly jer» turǵyn úı qurylysy memlekettik baǵdarlamalarynyń jáne «7-20-25» baǵdarlamasynyń, «Densaýlyq» densaýlyq saqtaý, sondaı-aq AО́K, sırflandyrý jáne týrızm salasynyń baǵdarlamalarynyń júzege asyrylý sapasyn tekserdi.
Salynyp jatqan turǵyn úı alabyn aralaý kezinde Premer-Mınıstr óńirde turǵyn úıdiń qoljetimdiligin arttyrý jáne muqtaj jandardyń, onyń ishinde kóp balaly otbasylardyń baspana máselesin sheshý boıynsha qabyldanyp jatqan sharalarmen tanysty. Bıyl mamyr aıynda 16 qabatty turǵyn úılerde 230 páterdi paıdalanýǵa berý josparlanyp otyr. Turǵyn úı alabynyń janynda áleýmettik jobalardy iske asyrýǵa erekshe kóńil bólingen: turǵyn úılerdiń birinshi qabattarynda 50 oryn qarastyrylyp, onda medısınalyq pýnktter ornalasatyn bolady. Sonymen qatar, klınıkalyq-dıagnostıkalyq bólimniń ashylýy josparlanǵan.
«Áleýmettik qamkorlyq» áleýmettik bastamasyn iske asyrý aıasynda oblysta jalpy aýmaǵy 26 myń m2 bolatyn 420 páterlik 10 jalǵa beriletin turǵyn úı qurylysy josparlanǵan. Bıyl jalpy aýmaǵy 19,4 myń m2 bolatyn 8 turǵyn úı paıdalanýǵa beriledi, bul 300 otbasyny, onyń ishinde kópbalaly otbasylardy da, pátermen qamtamasyz etýge múmkindik týdyrady. Jalpy, «7-20-25» memlekettik baǵdarlamasyn iske asyrý aıasynda oblysta 35 perspektıvaly turǵyn úı alaby aıqyndalǵan. 2022 jylǵa deıin jalpy aýmaǵy 1 mln m2 bolatyn 1 myń úı salynady. Búgingi tańda ekinshi deńgeıli bankter bul baǵdarlama boıynsha 145 ótinimdi maquldaǵan.
Sonymen qosa, satyp alatyn turǵyn úıi úshin bastapqy jarnany tóleýde oblys azamattaryna áleýmettik kómek kórsetý úshin jergilikti bıýdjetten 1 mlrd teńge bólingen. Bul kómek kóp balaly otbasylarǵa, medısına qyzmetkerleri, muǵalimder, polısııa qyzmetkerleri bolyp tabylatyn bıýdjet salasynyń qyzmetkerlerine kórsetiletin bolady. Tólemder tóleýdi bastaý úshin barlyq qajetti rásimder júrgizildi, qarajat aýdandarǵa baǵyttaldy, olardy bıyl naýryz aıynyń sońynda – sáýir aıynyń basynda berý kózdelgen. Turǵyn úıdiń qoljetimdiligin arttyrý maqsatynda sonymen qatar azamattarǵa jeke turǵyn úı salý úshin tıisti ınjenerlik ınfraqurylym júrgizýmen jer telimderi usynylady.
Osynda Premer-Mınıstrge qalany abattandyrý jospary usynylyp, qurylys barysy týraly baıandaldy. Atap aıtqanda, óńirlik jáne qalalyq gazdandyrý sulbalaryn iske asyrý máseleleri qaraldy.
О́ńirde medısınalyq qyzmetterdiń qoljetimdiligi men sapasyn kóterý boıynsha qabyldanyp jatqan sharalarmen A. Mamın kópbeıindi aýrýhana jumysynyń mysalynda tanysty. Magnıtti-rezonansty tomografııa kabıneti men ótken jyldyń jeltoqsan aıynda ashylǵan ahýal ortalyǵy qaraldy. Jańa tehnologııalardyń arqasynda, Ortalyq onkologııalyq aýrýlardy erte satysynda anyqtaýǵa, sonymen qatar paıyzdyq qatynasynda olardyń yqtımaldyǵyn aıqyndaýǵa múmkindik beredi. Kúnine ortalyqta 10-15-ke jýyq emdelýshi tekserýden ótedi. Barlyq kabınetter joǵary kásibı dıagnostıkalyq montorlarmen jabdyqtalǵan, jasandy ıntellektini qosý máselesi pysyqtalyp jatyr. Ortalyqta biryńǵaı aqparattyq júıemen oblystaǵy 13 medısınalyq mekeme biriktirilgen, bul kompıýterlik, magnıtti-rezonansty tomografııany, rentgenografııany t.b. tekserýlerdi qosa alǵanda, barlyq radıologııalyq tekserýlerdi ortalyqtandyrýǵa múmkindik beredi.
Premer-Mınıstrge sonymen qatar medısınalyq uıymdar jelisin damytý, medısınalyq mekemelerdi sıfrlandyrý jáne tehnıkalyq jaraqtandyrý, sonymen qatar kadrlyq áleýetin arttyrý jáne dárigerlerdiń júktemesin azaıtý týraly baıandaldy.
Máselen, 2018 jyly 18 densaýlyq saqtaý nysanynyń qurylysy bastalǵan, onyń 15-i qazirgi tańda paıdalanýǵa berilgen. Jalpy, ótken jyldyń qorytyndysy boıynsha oblysta jalpy ólim-jitim 2%-ǵa, sábıler ólim-jitimi 7%-ǵa, qan aınalymy júıeleri aýrýlarynan ólim-jitim 7,9%-ǵa, týberkýlezden ólim-jitim 12,5%-ǵa, qaterli isikterden ólim-jitim 1,5%-ǵa tómendegen.
Oblys ortalyǵynda A. Mamın sonymen qatar «Taldyqorǵan» ındýstrııalyq aımaǵyn aralady, búgingi tańda munda aýyl sharýashylyǵy, qurylys, hımııa jáne tamaq ónerkásibi salalarynda iri jobalar iske asyrylyp jatyr. Bul jerge 1,6 myń jumys ornyn ashýmen barlyǵy 70-ke jýyq kásiporyndy ornalastyrý kózdelip otyr. Premer-Mınıstrge sonymen qatar Almaty oblysynda alty ındýstrııalyq aımaqtyń («Taldyqorǵan», «Bereke», «Boroldaı», «Qaırat», «Arna» jáne «Qazbek bek») damý jobalary tanystyryldy. Oblys ákimdiginiń málimetterine sáıkes, ınvestısııalyq nysandar ornalastyrylatyn aýmaqtar ınjenerlik ınfraqurylymmen qamtamasyz etilgen. Barlyq nysandar qurylysyn 2020 jyly aıaqtaý kózdelip otyr. Jalpy, ındýstrııalyq aımaqtar aýmaqtarynda 8 myńǵa jýyq jumys ornyn qurýmen 300-den astam kásiporyn ornalastyrý múmkindigi bar.
Indýstrııalandyrýdyń damýymen tanysý «Qaınar AKB» akkýmýlıator shyǵarý zaýytynda jalǵasty. A. Mamın jumys sehtaryn aralaý kezinde tehnologııalyq prosespen jáne shyǵarylatyn ónim jelisimen tanysty. Zaýyt buryn qoldanysta bolǵan akkýmýlıatorlardy qaıta óńdeıtin jańa jabdyqtarmen jaraqtalǵan. Kásiporyn avtomatty rejımde akkýmýlıator batareıalardy qurastyrýmen aınalysady. Sonymen qatar munda qorǵasyn lentalar men elektrodty plastınalar óndiriledi. Zaýyttyń qýattylyǵy jylyna 3 mln birlikti quraıdy.
Taldyqorǵan qalasyna jumys saparynyń sońynda A. Mamın Kásipkerlerge qyzmet kórsetý ortalyǵyna baryp, onda qyzmet kórsetý boıynsha jumystarmen jáne ShOB damý qarqynymen tanysty. Sonymen qatar, Premer-Mınıstrdiń nazaryna qalanyń áleýmettik-ekonomıkalyq damýy, onyń ishinde týrızmdi, AО́K, Almaty q. mańyn damytý boıynsha jobalar usynyldy. Budan ózge, Almaty oblysynyń Áleýmettik kartasy tanystyryldy.