Búgin M.H.Dýlatı atyndaǵy Taraz memlekettik ýnıversıtetinde Elordanyń Nur-Sultan ataýyna aýystyrylýyn qoldaý boıynsha forým ótti. Atalǵan is-sharada Qazaqstan Respýblıkasynyń Prezıdenti Qasym-Jomart Toqaevtyń 2019 jylǵy 23 naýryzdaǵy №6 Jarlyǵymen Qazaqstan Respýblıkasynyń Astanasy – Nur-Sultan qalasy bolyp qaıta atalýy, El Prezıdentiniń bul tarıhı sheshimi – Qazaqstan Respýblıkasy Parlamentimen biraýyzdan maquldanǵan, elimizdiń saıası damýyndaǵy qalypty jaǵdaı bolyp tabylatyndyǵy týraly áńgimelendi.
1998 jyly boı kóterip, az ǵana ýaqytta álem nazaryna ilikken Astana – osy ýaqyt aralyǵynda elimizdiń barlyq aımaqtaryn startegııalyq turǵyda biriktirip, óńirlerdiń damýynyń draıverine aınaldy. Bul jetistikter Qazaqstannyń Tuńǵysh Prezıdenti, Elbasy Nursultan Ábishulymen strategııalyq turǵyda josparlanyp, júzege asyrylǵany halyqtyń jadynda. Osy rette, Astananyń ataýyn Nur-Sultan dep ózgertý birinshiden Elbasynyń eńbegine laıyqty qurmet kórsetý bolsa, ekinshiden Elbasynyń saıası baǵytynyń sabaqtastyǵynyń kepili bolyp tabylatyndyǵy baıandaldy. Osyǵan baılanysty, atalǵan is-sharada ýnıversıtet ujymy tarıhı sheshimge qoldaý bildirip, Astananyń Nur-Sultan bolyp atalýyna biraýyzdan kelisetinin jetkizdi.
Forýmda atalǵan oqý ordasynyń birinshi prorektory Asqar Abdýaly, «Mádenıet jáne óner» kafedrasynyń meńgerýshisi Aıgúl Kabıeva, «Fılosofııa jáne saıasattaný» kafedrasynyń meńgerýshisi Dına Kólbaeva, fılosofııa ǵylymdarynyń doktory Sáken Omarov jáne taǵy da basqa oqytýshylar men stýdentter minberge shyǵyp sóz alyp, óz oılarymen bólisti. Sonymen qatar, TarMÝ «Zań» fakýltetiniń stýdenti Bekzat Jumalıev úndeý oqydy. Shara sońynda kórermen qaýym konserttik baǵdarlamany tamashalady.
Hamıt Esaman,
«Egemen Qazagstan»
Jambyl oblysy